今日傳出前TVB新聞主播周嘉儀都會殺入今年香港書展出寫真集，原來她是幫周秀娜舊愛陳偉成（Avis）同另外三個男模出的《G.Y.M.動起來》客串做運動。她在Facebook留言道：「今朝好多人問呀，首先，我無出寫真亦無出書，第二，真心覺得呢輯相好健康係推廣做運動。不過好多人inbox話如果我出書會支持喎，或者出年要認真唸下。」

現年33歲的周嘉儀接受訪問時亦說：「完全唔係出寫真，嗰本係教人做運動嘅書，形象健康，同埋呢本唔係我出嘅書，我純粹係友情客串，相信我嘅篇幅好細。」提到報道以33C上圍殺入書長，嘉儀BB笑說：「本書入面都係普通運動服，冇乜特別，唔係sell性感，我style從來唔係咁，都係用一個健康角度教大家做運動，推廣健康生活。」

嘉儀BB客串都成為focus，佢話其實今年年頭冇做主播已有書商搵佢出書：「我朋友高芳婷都會出書講主播生涯，我都會去書展支持吓佢。年頭都有出版商approach我出書，我自己想一字一句寫，唔想假手於人，我concern係時間用得多，出散文同相集都想，寫真sexy就一定唔得，唔會考慮。」嘉儀BB仲話唔係因為怕醜：「我唔考慮呢方面，係唔同形象，我從來冇呢類賣同行性感，冇咁嘅quali。」

年年書展唔少藝人o靚模都出寫真，嘉儀BB覺得：「書展係要唔同類型嘅，好正常。」嘉儀BB都有留意今年最為焦點嘅羅霖，仲大讚對方：「我見到佢啲新聞好多，日日都有，都好欣賞，佢好靚，好犀利，keep得好好。」