蔣家旻磨練視后之路 朱敏瀚宿命難破點死都得

蔣家旻磨練視后之路

以選美入行上位一向較快,不過蔣家旻無悔參加藝員訓練班,更憑神劇《天與地》的「少女版阿Yan」一角跑出!堅持走實力派路線的她,以同是訓練班出身的視后楊怡和馬國明為目標!

蔣家旻(Angel)去年憑神劇《天與地》中「少女版阿Yan」一角而為人認識,憑此得到不少工作機會!近日《天》劇於凌晨時段重播,「少女佘詩曼」恍如Angel的永久綽號,她對此感到慶幸:「《天與地》好似變成一部代表作,加上我自己好鍾意阿佘,好榮幸!」

雖然不少人都說選美是在娛樂圈極速上位的不二法門,不過Angel卻無悔走另一條路—參加藝員訓練班:「華姐、港姐嘅價值一定高少少,不過楊怡、馬國明都係訓練班出嚟啦,我想以佢哋為目標!只要肯努力,始終都會有監製想用你!我鍾意慢慢磨練,想用自己嘅演技吸納觀眾!」她自嘲沒有選美的條件,最怕着泳衣:「我身形唔夠高,學歷又唔高,所以覺得自己冇資格選美!我又唔鍾意着三點式喺咁多人面前行嚟行嚟去,自問我身材冇人哋咁好,避得就避!」

公開未婚夫身份

Angel入行至今都鮮有緋聞,只傳過與羅天宇撻着,仍屬單身一族的她表示,將來拍拖也未必公開戀情:「如果我拍拖後同對方關係好穩定,又或者覺得佢係結婚對象,我先會公開!其實做藝人幾大壓力,我唔想公開戀情後會被人熱烈討論,所以對感情事會低調處理。」

蔣家旻
蔣家旻認為只要孜孜不倦,終有一天會被監製賞識!

蔣家旻
蔣家旻默默耕耘,希望憑努力在演藝界覓得自己的一片天。

曾與羅天宇傳緋聞的蔣家旻坦言,即使談戀愛也不會公開。
曾與羅天宇傳緋聞的蔣家旻坦言,即使談戀愛也不會公開。

朱敏瀚宿命難破點死都得

無綫藝人朱敏瀚(Brian)入行至今,在無綫拍過不少劇集,不過其有份參演的奈何總離不開吸毒和自殺情節,他說:「我喺《點解阿Sir係阿Sir》、《法証先鋒3》同《幸福摩天輪》都有吸毒嘅戲份,之後通常吸到傻吓傻吓就會走去自殺,而自殺戲中我試過跳樓、跳海、跳崖,所以我都幾多吊威吔經驗,哈哈!」

朱敏瀚
朱敏瀚

身為新進藝人,通常收入也不太穩定,幸好Brian的家人相當支持他的演藝事業,更說:「屋企唔使我畀家用,有時我買衫,我媽咪都會好錫我,爭住畀錢,平時媽咪又會成日煲湯畀我飲。」Brian有如此疼錫他的家人,他也自覺幸福,在不用開工的日子,也經常與家人周圍「食好嘢」。