雖然《以和為貴》上週已經播完，但最近才有八卦新聞流出。有消息指劇中女主角徐子珊於拍攝期間原來被飾演她表姐的江美儀狂寸，拍攝時不停爆她在家都要着高踭鞋、寸她貪靚，還暗寸她蠢真係冇得醫，搞到工作人員拍手偷笑。兩位阿姐，一啲都唔「以為和貴」喎！

徐子珊一向人緣麻麻，多年來傳出唔少不和傳聞，剛於上週五播完大結局的無綫劇集《以和為貴》，又傳出被劇中的江美儀明玩暗寸。

之前已傳出徐子珊一向靠樣搵食，所以貪靚的她，今次拍《以和為貴》便被江美儀爆肚作對白狂寸。話說有一場講飾演她表姐江美儀與她在屋企的戲份，原本 2人在埋位前已傾好，要做出搞笑效果，點知正式演出時，江美儀見徐子珊在屋企都着住高踭鞋行來行去，卒之忍唔住在對白加多句：「喺屋企着乜鬼高踭鞋」搞到子珊非常尷尬。

前週五（ 17日），徐子珊出席完《以和為貴》宣傳活動後，即換衫趕去銅鑼灣。一向愛穿高踭鞋的子珊，當日亦着住 4吋豆零踭行街，唔怕腳痛。咁貪靚，唔怪得江美儀都忍唔住口寸佢。

已貴為無綫一姐的子珊，落車當然有專人幫佢開車門，甚有氣派。

劇組拍手偷笑

寸人唔使畀面的江美儀，寸得一次唔爭在寸第二次，話說有場戲徐子珊要在江美儀面前喊，今次江美儀又再借拍戲寸爆子珊，突然爆肚講了一句：「愛滋有得醫，蠢真係冇得醫！」據說拍完這場戲後，有不少工作人員拍手偷笑。

江美儀借拍戲明玩暗寸子珊，就此事前週五（ 17日）記者趁《以和為貴》全體演員出席宣傳活動，即場追問美儀，但她卻拒絕回應，但最後都補句：「唔好陷我於不義！」點會不義，大家拍手掌！

雖然子珊與美儀傳不和，但亦做足本份孖埋有份演出的朱千雪一齊合照，果然好戲。網上圖片

爆肚對白寸到應

《以和為貴》中，飾演子珊表姐的江美儀經常鬧子珊，據知當中一句「蠢真係冇得醫」係專登借做戲來寸子珊。電視畫面

劇中，江美儀每次鬧子珊都七情上面，非常肉緊，做到真嘅一樣。電視畫面

前週五（ 17日）記者趁江美儀出席《以和為貴》活動時，追問她與子珊不和一事，但美儀拒絕回應，還叮囑記者：「唔好陷我於不義」。

屋企着高踭鞋
子珊的確有很多場喺屋企的戲，都着住高踭鞋行來行去。電視畫面

除寸子珊蠢之外，還在另一場戲爆肚講句：「喺屋企着乜鬼高踭鞋」聽到現場工作人員拍手陪笑！電視畫面

姣男唔黐女

徐子珊自入行以來雖與不少男拍檔如吳卓羲等傳緋聞，甚有男人緣，但拍劇多年卻經常傳出與女拍檔不和、甚至被玩。

玩真摑
08年拍《美麗高解像》時，傳出陳敏之與徐子珊拍掌摑戲時，敏之堅打，搞到子珊要即時用冰敷消腫。

冇偈傾
由於同劇的伍詠薇與陳敏之 friend過打 band，有傳伍姑娘拍劇時唔多想與子珊溝通，兩人零交流。

勁爭寵
一向傳出徐子珊被老闆殼王陳國強寵愛，但 3年前殼王卻飛甩子珊，改捧高海寧，有傳失寵的子珊非常氣憤。