賈曉晨JJ激變野蠻女友 33C出擊三點不露

宅男女神賈曉晨去年遇上力王樊少皇,火速被私有化,JJ日前接受本報專訪,雖未直接把愛的宣言掛唇邊,但全程對男友讚不絕口,嬌滴滴的她還公告要保護力王,展露烈女本色。

現年30歲JJ和即將40歲的樊少皇去年撻着熱戀,辣?曾為樊少皇育有一對子女的女友陳少霞,力斥JJ是小三,樊少皇護新歡馬上跟舊愛劃清界線,「J皇戀」愛得癡纏,經歷連番是非,兩人感情打風打唔甩。

JJ激變野蠻女友 33C出擊三點不露
■賈曉晨將轉投新經理人,特別剪了一頭短髮迎接新一頁。
攝影:仇志德

結婚要負責任

JJ跟陳百祥的經理人公司約滿後,曾賭氣表示要嫁人,正當外間以為她等升呢樊太,JJ卻臨門say no,經過半月休息,她面對的問題開始陸續想通,馬上拒當人妻。沐浴愛河甜絲絲的JJ說:「我暫時未諗住轉行做人妻,朋友都誤會我會衝動閃婚,不過呢個決定,我一定會三思,結婚要對好多人負責任。」


■賈曉晨跟力王男友樊少皇愛得癡纏,她願烈女上身維護男友。
《忽然1周》圖片

若JJ一旦決定出嫁,同時意味急於當媽媽,她說:「我一定要籌備一個好環境畀小朋友成長,先至去生,呢幾年仲想喺事業拼搏吓,等將來小朋友可過啲好生活。」JJ已計劃最少生兩個小朋友,希望屋企熱熱鬧鬧。樊少皇當然想早日迎娶愛爆的JJ入門,但她卻皇帝女唔憂嫁,她風騷叫停:「我叫佢唔好求婚住,費事大家尷尬,過多幾年先。」

爆喊狂鬧男友

兩人過去一年拍拖,面對一浪又一浪的閒言閒語,JJ承受很大壓力,她直言:「我曾經諗過自殺,好彩身邊朋友都安慰我,其實有啲嘢我感受到嘅,大家未必睇到,男朋友真係好錫我,佢乜都幫我擋晒。」一對戀人共同度過難關,感情會更邁進一大步,JJ忽然情深對話:「經歷過風風雨雨,我更加覺得自己識到呢個男仔好幸運,之前俾外間圍插,我將好多壓力發洩喺佢身上。」力王變出氣袋?她說:「我冇打佢發洩,但會爆喊,又猛鬧佢係衰人,我嗌住要分手,不停反問自己點解唔放棄。呢啲負面發洩,佢通通啃晒,只係識同我講對唔住。」

力王傾情賣溫柔冧爆JJ,她說:「佢做嘅一切一切,令我感覺好似欠咗佢好多咁,我感動到想保護番佢,佢性格其實單純善良,似小朋友,所有嘢乜都幫我諗先,佢默默承受內心嘅苦,大於一切。」JJ完全接受男友的過去,她說:「外間人唔會理解,佢同前女友嘅嘢,完結咗好耐。」JJ自爆其母由反對變支持,J皇戀又成功爭多一票。

33C出擊三點不露


■有愛情滋潤的賈曉晨,整個人容光煥發。

化妝、髮型:Heidi
服裝、場地:The Purple Fashion Club

賈曉晨愛情得意,事業方面剛跟陳百祥旗下經理人公司結束賓主關係,重獲自由的JJ獲不少公司斟介,再簽新經理人,JJ希望重點發展電影工作,她說:「唔想好似周身刀咁,我想拍好戲先。」

賈曉晨JJ激變野蠻女友 33C出擊三點不露

■C奶的賈曉晨表示只要劇情需要,不介意性感上陣。《最強囍事》劇照

未接封胸令

重新出發的JJ,決定瞓身闖影壇,33C咪咪隨時出擊,她強調男友樊少皇未有下封胸令,JJ說:「呢方面我係好有自主權,佢好尊重我嘅決定。」只要劇情有需要,JJ是會性感上陣,她續說:「合理嘅就接受到,我從來唔會無啦啦除衫,對於性感尺度我有明確底線,絕對係三點不露。」