曾是TVB「緋聞之王」的馬德鐘（Joe），近年洗底成功，與緋聞劃清界線，重建顧家好男人形象。上周日下午，「從良」Joe同老婆到IFC Shopping，之後兩公婆分道揚鑣，女方到IL COLPO整頭，男方則在IFC行足三個鐘等老婆，其間無論名店連卡佛還是平價Zara，女士飾物店還是DVD影音店，阿Joe統統唔放過；不過，三個鐘後，馬太仍然未有眉目離開，阿Joe唯有轉往銅鑼灣繼續等。

早年經常同花旦們傳緋聞的馬德鐘，近年的確已修心養性同緋聞絕緣。阿Joe說：「我好專一，至少多年來也是一個老婆。」當然啦，香港重婚是會犯法的，但有情人則不屬違法。

上周日下午，Joe同老婆在IFC的D-Mop Shopping，買了數件型衫後，馬太即到Salon整頭，然後男方便展開為時三個鐘的遊蕩行動，雖然IFC內店舖林立，但一條友購物心情也會由山頂跌落谷底，本來極有興致睇衫睇鞋的他，也由「巡舖式」變為「到此一遊」式，好彩期間有Fans要求影合照，令當事人得以展露一下笑容，三個鐘後，Joe難頂悶氣攻心，打完電話畀老婆後，即搭的轉到銅鑼灣繼續等。

※行街期間，有Fans要求合照，馬德鐘先展露下笑容。

※馬德鐘悶到連DVD影音店都唔放過。

※馬德鐘在女士飾物店睇飾物，唔知係咪諗住買禮物送畀老婆。

※等咗三個鐘，馬德鐘難頂悶氣，但係馬太仍然未有眉目離開Salon。

※馬德鐘本來「巡舖式」咁睇衫睇鞋，最後變成「到此一遊」式。