阿Sa讚迅鋒郎才女貌

近日傳出謝霆鋒同內地花旦周迅因為同樣鍾意rock music而撻着，霆鋒老友容祖兒同蔡卓妍噚晚就去到中環出席Yahoo頒獎禮，兩個人當然被問對「迅鋒戀」係咪知情啦。

阿Sa就話：「唔知真定假，不過我都好鍾意周迅，私下真係幻想過呢個組合拍拖，我都唔知點解會咁諗，佢哋都郎才女貌。」她話初見周迅時好緊張，唔敢開口要求合照。阿Sa又話唔敢問霆鋒，因為怕俾佢寸喎。

阿Sa話曾經幻想過迅鋒戀呢個組合會拍拖喎…..咦咦咦….？

祖兒漏口風：霆鋒鍾意國語北京腔

噚晚容祖兒出席Yahoo頒獎禮，被問到「迅鋒戀」，祖兒就立即狂笑話：「冇喎，我笑容冇嘢，乜都唔知，亦冇八，不過贊成佢拍拖，佢咁好條件，但係邊個就唔知。」

問到有冇感覺到霆鋒有愛情滋潤？祖兒話佢冇特別唔同。至於阿Sa話有幻想過佢兩個拍拖，祖兒又若有所指咁講：「咁佢鍾意國語北京腔，我識周迅同見過，近日都有見。」記者即問係咪喺霆鋒公司或屋企，祖兒先尷尬回應：「唔係，喺報紙啫。」

祖兒話霆鋒鍾意國語北京腔，係喎，王菲都係來自北京。