眼見內地《中國好聲音》歌唱節目搞得有聲有色，無綫高層余詠珊又有新構思，準備自製作新節目《超級巨聲4》之「星夢傳奇」，將會邀請天后容祖兒及吹神陳奕迅為藝人當導師。

余詠珊在電話中透露，該節目會動員全台藝人試音，給予「自己友」歌聲比試機會：「公司仲會停廠一日，安排全台藝員為節目錄主題曲，（評判人選？）我哋會搵容祖兒、陳奕迅做訓練導師，進行淘汰賽！」

壹周刊 第1206期：
蕭正楠　梁烈唯內定入圍

據知藝員科已廣發短訊，通知有興趣的藝員攞參加表格，日內舉行試音，由藝員科和綜藝科的高層負責，挑選十五名藝員參賽。
「做哨牙仔出晒位嘅蕭正楠，成日想揸番咪做番歌星，佢一早內定有份入圍；有高層話梁烈唯唱歌似陳小春，演得玩得，亦預咗佢一份。」除了高層心水人選，有太陽娛樂黃栢高撐腰的沈震軒和唱家班出身的胡定欣及港男羅天宇等亦會參賽。

沈震軒唱得跳得，不時被安排在無綫騷唱歌。

唱過電視劇主題曲的胡定欣，曾經自薦給唱片公司，無綫搞歌唱比賽，她亦有報名參加。

內部報名表

庾澄慶做導師

藝員比賽，之前的巨星評判陳潔靈、趙增熹、陳奐仁全部冇得留低；無綫有意邀請《中國好聲音》的庾澄慶及陳奕迅做星級導師，並繼續玩全民投票，由觀眾做評判。
「哈林（庾澄慶）嘅身價比起幾年前做《味分天下》貴咗好幾倍，不過老細肯俾錢，依家睇佢個期得唔得！」無綫內部人員透露。
記者致電音樂組監製麥鎮東求證，他承認正在招募藝員參加，日內將進行試音，但比賽形式仍在商議中，未全盤確定。

食住人氣，細細粒亦有遞 form參加比賽。

港男羅天宇受無綫力捧，今次亦有機會入圍比賽。