容祖兒（Joey）年底舉行「1314容祖兒演唱會」，今次亦係祖兒第七次喺紅館開騷，將於今年12月21至28、31及明年1月1日舉行共10場。祖兒今日出席演唱會記招，佢坐喺睡床出場，喻意會瞓身演出。英皇高層吳雨為祖兒送上金豬頸鏈，祝佢好生養，再開多加場，同時又為祖兒送上1314枝玫瑰花祝賀。

講到歷年只有具樂壇地位歌手，先攞到紅館除夕跨年檔期，祖兒坦言心情興奮，佢話：「得到呢個檔期，心情好似出嫁咁，今年可以踩住紅館舞台倒數，係我事業嘅里程碑，搞到我兩晚失眠。」

講到1月1日元旦演出提早喺傍晚六點半開騷，目的係要遷就祖兒完騷後出席樂壇頒獎禮，祖身就話：「對我嚟講係習慣，都參與吓。」

容祖兒獲贈1314枝玫瑰，以及金豬頸鏈。

預祝演唱會成功。

張耀榮（中）點解咁興奮？

祖兒新碟《小日子》獲得佳績。

祖兒坐住床出場，喻意瞓身演出。

里數積分換機票蜜遊美國
祖兒護師兄：換分冇蝕底

容祖兒同劉浩龍（師兄）拍拖年幾，感情穩定，早前兩人被踢爆到美國拍拖，又被指用飛行里數積分換機票，包起男友機票支出，祖兒今日喺演唱會記招話：「應使則使，兩個人去旅行，換分冇蝕底。」

祖兒早前赴美國為準備年底個唱，以及跟當地排舞師學跳舞，男友師兄陪伴同行，祖兒維護男友話：「每人負責一樣嘢，我負責機票，佢負責飲食交通，接放學，一定要揸車。」

對男友加分？祖兒話：「開心咪得囉，唔好諗咁多。」

祖兒又話喺當地每日學跳舞4、5個鐘，其餘時間就同師兄行街拍拖，咁師兄有冇一齊跳？祖兒笑言：「跳唔跳得都成問題。」

容祖兒同男友劉浩龍拍拖年幾，感情穩定。

祖兒話去美國準備年底個唱。