前日被拍得回港購物嘅46歲台灣息影女星王祖賢，因為美貌走樣惹來極大迴響，今晚佢由兩名女友人護送之下現身機場，搭夜機返加拿大溫哥華。
祖賢戴上黑色粗框眼鏡，拎住白色Chanel手袋，著上白色上衣、黑色外套同綠色短褲，似乎對長腿極有信心，佢一見到記者上前影相，顯得好緊張，立即用粉紅色機套嘅iPad平板電腦全程遮面，直奔入閘檢查，而同行友人亦以手遮掩傳媒相機為祖賢開路。
祖賢行到閘口前依然唔肯放低iPad，直至機場人員要求佢面露容貌作核對證件之用，佢先勉強放低部iPad，辦妥手續入閘後即繼續急步掩面過海關，全程背向記者。
王祖賢今晚搭夜機返溫哥華。
未發現記者前
一見到立即遮面
一直都唔肯放手
其實祖賢係可以戴口罩o架嘛…..