近來每逢講起男友劉浩龍就甜絲絲嘅容祖兒，今日去到九龍灣為嚟緊23號喺廣州舉行音樂會綵排，而佢年底演唱會今日又推出全新雪糕造型海報，宣布加開明年1月2至4日三場，合共13場！而最新加開的三場門票，將於明日（9月19日）中秋節起，於全線城市電腦售票網公開發售。，對於打破了上次Concert Number 6的12場紀錄，她表示非常興奮，加上13場的數字，正好配合1314演唱主題，而祖兒更揚言只要樂迷們繼續支持，反應繼續熱烈，跨越13、邁向14場，絕對指日可待！

祖兒話：「仲有一款海報底線好低，我都接受唔到。」若再加場的話便會公開面世！問到師兄接受到嗎？佢話：「佢咩都接受到。」咁係咪因為佢咩都睇過哂？佢臉紅話：「人哋女仔嚟0架。」

講到專欄作家李純恩撰文指香港歌壇已死，仲同填詞人黃偉文（Wyman）微博爆罵戰，身為Wyman好友嘅容祖兒就話：「聽一首歌同旋律同歌詞就定行業已死，會令努力嘅人唔開心，作為前輩要畀啲支持同高抬貴手，如果咁講我十幾場演唱會咪變神功戲？」

祖兒覺得好友Wyman反應大因為係佢愛自己行業，佢認為行業中有人做得出色，有人需要努力，佢好幸運合作嘅音樂人都好好，試過今次隻碟有首歌改咗七個版本，最終都啱心水，至於係邊個，佢話唔講，總之唔係黃偉文。

容祖兒撐老友黃偉文，仲叫前輩李純恩高抬貴手。

祖兒仲搞笑話：「如果咁講我十幾場演唱會咪變神功戲？」

祖兒一講起男友劉浩龍，就表現甜到漏。

容祖兒宣布年底個唱加場時公開第二輯宣傳海報，她說若再加場便公開超性感海報。