《花千樹》似足《不再悲觀》 容祖兒新歌涉抄馬浚偉

家香港樂壇市道不景氣,搵食越嚟越艱難,但係班創作人又唔的起心肝做好啲音樂,反而成日俾人發現左抄右抄再包裝成一首新歌,之前 Mr.有幾首歌都俾網民發現有抄襲之嫌,近日天后容祖兒( Joey)嘅派台歌《花千樹》又俾高登仔發現疑抄襲馬浚偉 94年嘅舊作《不再悲觀》,當中副歌部份真係似到十足十。

容祖兒似乎要帶眼揀歌,唔係一陣發生抄歌疑雲就影響佢天后聲譽。 資料圖片

容祖兒似乎要帶眼揀歌,唔係一陣發生抄歌疑雲就影響佢天后聲譽。 資料圖片

祖兒首《花千樹》同馬浚偉 94年大碟(圖)入面首《不再悲觀》真係好似。

祖兒首《花千樹》同馬浚偉 94年大碟(圖)入面首《不再悲觀》真係好似。

馬浚偉前晚邀請咗曹眾做佢《大廚出馬》節目嘅嘉賓。

馬浚偉前晚邀請咗曹眾做佢《大廚出馬》節目嘅嘉賓。

網民惡搞混合版

其實馬仔首《不再悲觀》由張宇作曲,而 Joey首《花千樹》就由 Mattew Tisher同 Andrew Ang創作,《不》仲由張宇親自演繹國語版《情有獨鍾》,所以 Joey國語演繹《最後情人》(即《花》國語版)自然都有抄襲之嫌;班高登仔好快手整咗個七國咁亂版放上 youtube( http://www.youtube.com/watch?v=2H8F1vUp1vQ),真係好鬼有創意。

Joey經理人霍汶希噚日喺電話回應:「無論廣東歌、國語歌或外語歌,經過咁多年有相似唔出奇,唔可以話抄歌,咁對作曲人唔公平。」