容祖兒、黎耀祥 高處不勝寒

祖兒 祥仔 高處不勝寒

人愈去到頂峰,就愈容易見到泡沫!容祖兒和黎耀祥雖然登上事業之巔,腳下盡是萬人塚,不想跌入深淵怎麼辦?加強抗跌能力,還是自己落山歸於平淡?祖兒和祥仔心中有數!

祖兒入行逾十年的樂壇天后容祖兒,由一名熱愛唱歌的女生,憑藉愈唱愈強的拚搏精神,成為當今樂壇的「天之驕女」。祖兒近年歌唱事業屢創高峰,叱咤女歌手四連霸、六奪《勁歌》最受歡迎女歌星,不敢說是後無來者,但至少是前無古人,絕對是「80後」女歌手的典範!

有云「高處不勝寒」,雖然祖兒已是獲獎無數的天后,但她沒有怠慢,反而繼續自我增值,學唱歌、學跳舞和練樂器,她自謙仍有改善空間,故會對自己「殘忍」一點,偶然也感到辛苦,但祖兒樂在其中,深信付出的努力,必得到回報!

近年不少歌手不再獨沽一味唱歌及推出唱片,還會進軍電視劇、舞台劇、電影甚至做生意,祖兒亦不例外,她曾拍過電視劇及參與電影演出,問到會否再考慮演出舞台劇?她說:「當然有考慮,但未必係今年嘅事,要等我把聲真係回復番最好狀態先得,因為做舞台劇係好需要充足準備。」

計劃開火鍋店

那麼會否染指生意,一嘗當老闆娘的滋味呢?祖兒笑說:「如果真係做生意,我會做美容或者同飲食有關。至於搞飲食嘅話,我想搞打邊爐生意,希望做到中等價錢、高級享受。知道所謂力不到不為財,可能要等細佬成家立室後,再諗吓點搞。」祖兒經理人霍汶希(Mani)做得稱職出色,祖兒會否考慮接Mani棒,擔當經理人?她笑說:「呢個係阿Sa(蔡卓妍)嘅願望喎!我唔係一個好嘅經理人,成日覺得長命工夫長命做,畀我做經理人,我諗會同個Artist攬住一齊死。」

恨非一般愛情

正在放長假外遊充電的祖兒,事業有成,至於她的感情生活,亦是外界焦點所在。問祖兒會否跟隨潮流玩「閃婚」?她認真地說:「呢方面真係要睇定先,有啲嘢影響唔到人,但結婚係人生大事,未遇到唔會夾硬去諗,我唔係嗰啲Typical(典型)嘅女仔,我唔係恨結婚嘅人,拍拖係兩個人嘅事,諗幾多都冇用,如果有人同你諗法一樣,嗰啲火花先靚,我好羨慕一啲朋友,好似李克勤同盧淑儀,係令人羨慕嘅一對。」

後記:大師姐風範

雖然祖兒正在外遊,享受期盼已久的悠長假期,但她仍不時在微博Update近況,而且亦有留意娛樂新聞。對於「巨肺女聲」林欣彤(Mag)加盟英皇,成為她的小師妹,其實祖兒早前已對Mag甚為留意,又對她讚不絕口,更認同有新生代加入樂壇,絕對是好現象。

祥仔柴九和劉醒,為原本是電視台小人物的黎耀祥脫霉,成為兩屆視帝。登上電視城之巔,卻沒有流着三色血,非我族類者難道可以三膺帝位嗎?

祥仔見慣風浪,知道人走上物欲橫流的魔道,就會瘋狂:「我一啲都唔驚會跌番落嚟,亦唔覺自己喺高峰,獎項只係獎品!」祥仔的性格極之阿Q,不但未有擔心高處不勝寒,反而預視自己會從高峰過後平淡下來,他說:「平淡係必然,冇人可以永遠順風順水,紅足3、40年嘅有幾多個?一定唔會係我囉!所以我已一早做好心理準備!」講到自己是阿Q,祥仔更拋出頹廢偉論:「我係一個跟自己意願去做事嘅人,但我亦係一個冇目標、冇大志嘅人,冇乜實質嘢想得到,太麻木,用紅唔紅去換六合彩,我寧願中六合彩喇!」

有車有樓心足

如今祥仔有車有樓,只要行過九龍城街市,又或者是旺角亞皆老街,師奶必定把他奉若神明,祥仔亦有求必應。人生如此,祥仔已夫復何求:「我依家有車有樓,買樓仲要係多年前已經買落,只係中間賺錢多咗,由細屋換大屋,我已經有自己嘅位置,亦知道自己嘅位置去到邊,冇理由要我夾硬搬去住加多利山,好唔划算啫!」

既然不會選擇住半山,祥仔也沒有抱大想頭,曾想過返內地賺人仔,甚至進軍大銀幕:「98年我已經出外闖過,有乜大導演我未拍過,雖然當時我唔係主角,至少已見識過,原本我都係適合做電視多啲,但返內地拍劇我又唔想喎!我想抽多啲時間陪個仔,個仔陪得你幾耐吖,將來佢要成家立室,搵多幾百萬都冇用,呢啲錢連豪宅首期都唔夠畀!

預咗衰到貼地

既沒有大想頭,也沒有野心,連人生目標都冇,祥仔連為自己鋪路的想法都冇,但他依然活得悠然,為何?他說:「我唔會為自己鋪甚麼路,因為我淨係識得演戲,過多幾年衰到貼地,再做唔到主角,我已經同添哥講畀個老角我做。錢嘅問題,我真係唔擔心,因為我有買儲蓄保險,計過條數喇!回報OK,就算賣咗層樓,都有幾百萬畀我退休!」若然視帝祥做這個訪問不是做戲,他那歸於平淡的精神,真是令人欽敬,欽敬。

後記:舊車勝新車

訪問當天,正值財爺公布財政預算案,祥仔得知一手車買賣加重稅,他笑了便說:「我都冇諗過換車,買都唔想買新車啦!反而舊車可以變相保值!」口說自己數口不精,原來是機關算盡,祥仔,你真夠鬼!

容祖兒、黎耀祥 高處不勝寒

容祖兒勇於嘗試,希望創出一個又一個的高峰。

容祖兒、黎耀祥 高處不勝寒

樂壇天后祖兒是頒獎禮常客,攞獎攞到手軟。(資料圖片)

容祖兒、黎耀祥 高處不勝寒

愛扮靚及搵美食的祖兒,希望進軍美容及飲食界。

容祖兒、黎耀祥 高處不勝寒

祥仔自言是個容易滿足的人,不會奢求住半山揸名車。

容祖兒、黎耀祥 高處不勝寒

祥仔憑《巾幗梟雄》劉醒一角,獲封視帝。(資料圖片)

容祖兒、黎耀祥 高處不勝寒

祥仔最重視家人,爭取時間與他們共處。

容祖兒、黎耀祥 高處不勝寒

經歷過高低潮的祥仔,名利在他眼中只是過眼雲煙。

退居幕後

圈中不少巨星工作貴精不貴多,反而選擇退居幕後培育新星,或者擔任幕後工作,成績出色。

周星馳

演而優則導的周星馳,去年成為上市公司的大股東兼執行董事,銳意建立電影王國。

黎明

Amusic老闆黎明近年簽了衞蘭及JW,她們在樂壇成績理想,他亦力捧文詠珊做「模Art」。

張曼玉

影后張曼玉向來是潮流指標,近年甚少於幕前演出的她,曾為護膚品牌擔任幕後工作,事事親力親為;早前她又為首飾品牌擔任創意總監及形象指導。

歸於平淡

物極必反,縱然走上天王巨星之路,很多巨星寧願歸於平淡,過着平凡生活,以求養生養心。

張曼玉

張曼玉把視野放眼世界,早已飲譽國際影壇。但她沒有像過往般爭名逐利,更為德籍愛郎Ole移居北京,過着簡樸的生活。

周潤發

發哥沒有因為自己是國際巨星,而走上奢華之路,反而選擇平淡過日辰。發哥喜歡搭巴士、行街市、到南生圍影相,更成為了他的生活寫照。

林青霞

大美人林青霞早已是影壇經典巨星,她自婚後息影,全面淡出娛樂圈,更公開表示絕不復出,專心在家相夫教女,做廿四孝媽咪。