現年39歲的李思捷，今年5月與陳雅倫傳出姊弟戀後，8月又爆出跟年輕15年的「味之天使」女友王寶寶（春卷）分手，4年情玩完，春卷雖自爆單身身份，但故作神秘不肯透露分手原因，對於是否有望復合？春卷曾表示要下回分解。不過思捷今年9月曾在微博上載跟春卷及彭健新的合照，關係撲朔迷離，原來二人已火速翻撻，前晚更雙雙拍拖買家品，被記者撞到正。

■春卷與思捷前日拍拖到沙田買家品，看來關係相當良好。

■思捷讓春卷先上車，保持男士風度。

「佢係Part of My Life」

前晚6時多，思捷與身穿跌膊裝的春卷拍拖到沙田宜家買家品，有指他們在店內揀了約45分鐘，專攻佈置家居的用品及廚具，其後推着購物車往付款。春卷行攰了見肚餓，思捷即細心帶她買小吃醫肚，他更負責拿着一袋食物。春卷忽然折返宜家，此時發現思捷往會合司機及另一對男女朋友。

思捷等待春卷時發現記者，他即大方上前打招呼，並陰陰嘴笑問：「影到未？你做你嘅嘢，我做我嘅嘢！」春卷出來後便一同搭電梯到停車場，春卷最初拿着一盒小吃，其後索性給思捷拿。

記者昨日致電恭喜春卷復合？她死撐：「唔係，我仲係single（單身），我哋係好朋友！我哋咁多年，佢係part of my life（生命一部份），好似家人咁。佢新居入伙，我陪佢買嘢，畀啲意見，當時佢姐姐都喺度。」將來有機會復合嗎？春卷說：「將來嘅嘢，個個都唔知發生乜嘢事。」春卷強調現在是單身，若她將來結識新歡，可會讓視如親人的思捷幫眼？她尷尬的說：「又未去到咁嘅程度。」

■買完家品，思捷負責付款，春卷則四圍望。
DV圖片

■思捷買了一車家品，與友人合力整理戰利品。DV圖片

■思捷負責拿戰利品，春卷則蹺埋雙手。DV圖片