陳小春與應采兒的兒子Jasper七月一日於香港港安醫院出生,今日陳小春赴醫院探望初生兒子,約下午二時四十五分,陳小春步出醫院接受傳媒訪問,小春表示有陪伴太太入產房,應采兒選擇剖腹生子只麻醉半身,他指太太很堅強不怕,過程亦非常順利,兒子出生時有接近六磅。二人早為兒子改了英文名字Jasper,至於中文名字會稍後請師傅命名。
Jasper重6磅 小春仲未抱囝囝
恭喜恭喜!陳小春嘅大人……叮叮應采兒噚日喺山頂港安醫院誕下六磅Jasper,今早兩口子已急不及待,喺微博公告喜訊。心情靚絕嘅小春更接受傳媒訪問,分享初為人父嘅喜悅!
小春話,叮叮噚日生B嗰陣,佢都有入產房打氣。佢話:「當然有入去啦,冇理由個大肚婆入去,自己一個印印腳喺出面0架嘛!」Man爆!
至於生產過程呢,小春話非常順利:「差唔多六磅,我又唔驚,好堅強。(是否順產?)唔係,我一落機,即刻飛嚟醫院,落車即刻衝上三樓產房,冇辦法,咁啱等到一齊入去。」
講到抱B嘅感覺,呢個新手爸爸話:「未抱住,因為BB某一部份要觀察,噚日觀察緊,今日有重大改變,認為嗰個觀察必需要做,做完之後今日應該唔使喺箱,可以抱(係咪要照燈?)嗰啲術語我唔知,總之佢做過嗰啲咁嘅嘢,好多BB都會做,做一做會順啲。」
小春子初為人父,心情靚到飛起﹗恭喜恭喜!
叮叮早個幾禮拜之前先話:「大哥,麻煩把你的腳拿開,別頂我的胃﹗」依家,唔止可以大吃一餐,仲可以做叮叮最想嘅事…就係飲……勝!
戴上綠帽嘅小春…
扮叮叮陀B?
叮叮餵人奶 真係改名叫「大春」?
應采兒噚日喺山頂港安醫院剖腹誕下囝囝Jasper,重6磅,爸爸陳小春更心口掛個「勇」字,陪老婆入產房一齊push。雖然家陣仲未抱B ,不過講到囝囝似邊個多啲,小春如數家珍咁話:「兩個都有啲(似),咀似老婆,鼻似我,好多毛,係眉毛。頭髮都好叠毛,不下於郭富城,仔手又長腳又長(靚仔嗎?)當然靚仔!同我一樣,係巨蟹座,佢係巨蟹仔,咁啱佢搶閘出嚟係7月1日,咁每年都有人幫我哋放煙花啦,係咪有煙花放先?」
陳小春,有名叫小春……要幫囝囝改番個中文名,但又可以「食」到爸爸個名,咁就正喇。之前叮叮應采兒都講笑咁話想幫囝囝改名「陳大春」、或者叫「陳春」、「陳皮」,但全部都俾小春老公ban晒。
今日問番小春,BB嘅中文名諗掂未?佢就話:「中文名未改,等出院搵人改。(係咪餵人奶?)依家係人奶。」