經常在劇集中扮演奸角的無綫藝員李國麟，在寶貝女 Cherry面前卻是個廿四孝的好爸爸，無論她要求甚麼也永不 say no。他還把 8歲大的囡囡當作成人看待，會用最真實的答案來回應女兒的提問，就算她對安全套充滿好奇心，他也會深入淺出地解釋

無綫藝員李國麟在電視劇中，演繹過無數壞蛋惡爺，但現實生活中，李國麟是百分百的大好人，他的寶貝女 Cherry早前參加「 Venture兒童攝影學堂」，難得有假期的他，特意為囡囡擔任模特兒，擺出多個趣怪姿勢讓她練習攝影，只見 Cherry影得有板有眼，就連場內的導師也大讚她有天份。

李國麟十分疼愛囡囡 Cherry，工作之餘必定陪伴女兒，父女感情日益深厚。

李國麟陪伴女兒學攝影，不時提點她拍攝的技巧。

女兒 Cherry學攝影，日日面對鏡頭的李國麟當然是最佳拍攝對象。

囡囡每事問

平時演慣惡爺奸鬼的李國麟，俯首甘為孺子牛，任女兒又騎又揼。

雖然平日工作繁忙經常不在香港，不過李國麟跟 Cherry的關係很好，問到他是如何維繫父女關係？李國麟說：「呢個小生命係我同太太嘅結晶品，如果你唔想要佢，都唔會帶佢嚟呢個世界，所以我會畀充份嘅愛佢去成長，我同太太有時間就會同佢傾偈，太太就每晚同佢傾當日發生嘅事，我就會負責解答佢嘅疑問。」
李國麟表示雖然囡囡只得 8歲，但當他解答囡囡問題時，仍會視她為成人般，他說：「我會用最真實一面同佢講，因為好多嘢佢遲早都會知，係睇佢喺乜嘢途徑知道，我會深入淺出咁教佢，好似佢之前問乜嘢係避孕套，避孕套係咪一定要戴喺個頭上面，我都會慢慢咁解釋佢聽。」

家中做好人

Cherry對攝影如此有天份，問李國麟會否培養她這方面的才能？他即說：「唔會逼佢去學啲乜，佢鍾意想學嘅會同我講，我覺得啱佢就會畀佢去學，好似家佢學畫畫同拉丁舞咁。」面對女兒的要求，李國麟坦言無力招架：「我同老婆講，平時喺劇集度已經成日做奸人衰人，所以喺屋企我想做番個好人，對住個女我係 yes man，就算有時 say no，轉頭都會同老婆講 OK畀個女去做。」
採訪：譚倩宜　攝影：林德雄
場地提供： Venture Photography（海港城）