郭富城、陳喬恩、甄子丹、張梓琳及夏梓桐等電影《西遊記之大鬧天宮》演員，今日下午齊集喺山頂蠟像館，為戲中各人蠟像造形剪綵。當中以城城嘅牛魔王同陳喬恩鐵扇公主造形最神似，主角甄子丹嘅孫悟空蠟像，就被指似足外籍人士。

陳喬恩唔接受訪問，不過台上佢心情明顯極好，儀式進行時佢已經急不及待用手機同蠟像自拍。甄子丹透露唔會再接拍《西》片續集，佢笑言：「個妝真係化得好辛苦，拍完之後個人好似老咗幾年，所以唔會拍續集。其實第一日開工時就諗：『今日至第一日，幾時到拍完？』」子丹自言當時好心灰，因為既要演又要擔任動作指導，不過諗唔到依家已經拍完。

城城個牛魔王蠟像激似真人，佢被讚係最靚仔牛魔王時，城城話可能有過上次做蠟像經驗，令新像造形更加傳神：「對牛角係搵荷李活化妝師整，造形係張叔平，可能係現代版牛魔王。」

完全幾可亂真。

右邊行開咗，左邊可以做替工一陣。

甄子丹呢個就….

真係一啲都唔似

張梓琳呢個亦太膠….

講句嘢丫喂~