鄭欣宜對自己身形愈嚟愈有信心，就算明知件貼身衫會透 bra都照着。

媽咪姐手帳

欣宜導彈出巡

2010年05月28日

視減肥為終生事業嘅鄭欣宜， 03年開始努力，雖然偶有反彈，但以近期狀態最為神勇。上周五（ 21日），佢應修身堂老闆娘張玉珊邀請做街頭宣傳。明顯收咗腹嘅欣宜揀咗件貼身上衣，仲有意冇意透埋 bra，顯得佢上圍更為豐滿，完全遺傳咗媽咪沈殿霞嘅優點，簡直如同導彈襲銅鑼灣。

親民嘅欣宜仲好唔吝嗇，無論男男女女都好，佢都親密一齊合照，就算唔覺意被掂到個胸，佢都冇詐型。難怪老闆娘張玉珊見欣宜搞到滿頭大汗就即刻幫佢抹，有個咁勤力嘅員工，梗係要錫住啦。

現場途人相當熱情，同欣宜合照時左俟右靠貼晒胸，不過欣宜都冇介意，非常親民。

欣宜咁戮力宣傳，張玉珊自然錫晒佢，更細心幫佢抹汗。

當晚個個唔係袒胸就係大晒事業線，徐子珊不但衣着沉色，仲係密實過密實袋，一啲睇頭都冇。

媽咪姐手帳

徐子珊冇人吼

2010年05月28日

上周六（ 22日），音樂劇《 Chicago》喺演藝學院舉行首映禮，呢類場合嘅稀客徐子珊竟然出現。不過喺布景板影完相嘅徐子珊，同經理人企喺附近，正等待記者同佢做訪問。

此時其他嘉賓陸陸續續到場， Rosemary飛釘，原子鏸又露出胸懷嘅大痣，連一向對家事保密嘅黃秋生，都首次帶埋十三歲囝囝現身。咁多嘢影，咁多人要問，點輪到打扮冇厘睇頭嘅徐子珊吖？

伍詠薇見到黃秋生罕有咁帶埋囝囝（右圖）出現，即拉住秋生兩仔爺 talk到雞啄唔斷。

人哋伍詠薇同老公練海棠做緊訪問，徐子珊卻百無聊賴咁戙喺側邊。唔識佢嘅，一定以為佢係路人甲。

反觀 Rosemary不經意嘅飛釘（上圖），再加超低胸露大痣嘅原子鏸（下圖），兩個一到場，已經將成班攝記攝晒過去啦。