靚靚頂級牛扒餵魔童
袁詠儀（靚靚）與Chilam經常一家三口享天倫樂，但日前夫婦二人卻撇下了兒子魔童，前往跑馬地拍拖二人世界。當日靚靚與老公現身該處一間專售高級日本食品的店舖，見兩人於凍櫃前左揀右揀，終掃下了數件頂級牛扒，之後靚靚又前往揀小食，見她頻頻試食後，又叫老公來一齊試，他們未幾又揀了不少心頭好，步出門口時靚靚心情大靚任影唔嬲，被問到撇下兒子過二人世界，她表示：「唔係，全部嘢都專登買畀個仔食㗎！」
靚靚與老公買下不少食品。
靚靚與Chilam於櫃位前揀牛扒。
廿四孝Chilam靚靚頂級牛扒餵魔童
自從囝囝「魔童」出世後，袁詠儀與老公張智霖為給囝囝有個良好的生活環境，即復出拍劇搵奶粉錢。日前兩公婆拍拖到日本食品專賣店購物時，特別揀選頂級牛扒給囝囝補充鐵質，認真廿四孝父母！
袁詠儀（靚靚）自06年為老公張智霖（Chilam）誕下囝囝慕童後，兩公婆即復出拍劇賺錢，而Chilam更重返樂壇出唱片。不經不覺「魔童」已三歲多，睇見囝囝愈大愈可愛，難怪靚靚都想盡早追多個女，而Chilam為自己及家人的健康着想，已成功戒煙，實行為再生BB作好準備。
Chilam坐在一旁講電話，袁詠儀則與店員挑選食品。
有子萬事足的靚靚，日前與老公到跑馬地一間專門售賣高級日本食材的「千賀屋」購物，期間見二人在店內「騰來騰去」，未幾靚靚走到擺放頂級牛扒的凍櫃前徘徊，之後又叫老公前來一起研究。據研究顯示，牛肉是含豐富的鐵質及鋅，有助增強小朋友對認知方面的發展，當靚靚揀選牛扒時亦相當嚴謹，又不時致電給朋友詢問，兩公婆細選完一輪，便着店員包起數塊貴價牛扒。
袁詠儀隨手拿起小食試食，亦分給正在講電話的Chilam品嘗。
其後靚靚見到店內擺放了一些小食供客人試食，於是隨手拿起品嘗，然後再叫老公試埋一份。期間店員向靚靚推介食品時，Chilam則坐在一旁講電話。逗留約20分鐘後，二人購買了數塊牛扒、香脆蝦餅以及幾包日本小食，付款後店員更親自送二人出門口，靚靚見到記者拍照，即取出一包剛買來的小食送給記者，可見她心情大靚。當問到是否二人世界時，她笑笑口說：「唔係二人世界，係買畀個仔食o架！（親自下廚？）唔係呀！」語畢兩公婆便登上七人車，由司機接送離開。
心情勁靚的袁詠儀與Chilam拿着戰利品離開。