張智霖諷整容成風 劉心悠望整形

張智霖(Chi Lam)同劉心悠(心悠BB)今日以代言身份,現身尖沙咀美容產品活動,佢大讚心悠BB靚女,記者問同太太袁詠儀相比,邊個靚啲?佢笑住話:「阿靚都讚佢係一等一靚女,呢啲唔可以搵嚟比,心悠係一級靚女,紅姑係神級走唔甩,靚女唔可以強求,要天然。」吓,答唔到中心喎,袁靚靚又即係乜級呢?

對於依家天然女星難尋,Chi Lam就話喇:「係囉,我唔知啲人係咪整容,個個樣一樣,自己有面盲症,分唔到邊個打邊個,靚要各有特色。」記者話男藝人都有呢鋪整容癮,佢就話無需要搞到個個一樣樣,畀啲選擇觀眾咁話。

企喺隔離嘅心悠BB都諗過整容,不過唔係個樣:「有諗過,因為自己四號鞋,想整大啲對腳,大一個size己滿足,童裝無高踭鞋,依家都係塞紙巾或黐膠紙,都企唔穩。」唔好呀,腳細先靚o架!

此外,有傳Chi Lam約滿澤東,轉投蕭定一,佢回應:「同澤東仲有兩個月約,合作多年似一家人,有咩決定都會支持我,自己入行咁多年,要有新衝擊畀自己,去到邊都靠自己努力,同邊間公司合作唔係重點。」


心悠BB靚到暈。


Chi Lam一樣十年如一日。


講咗乜嘢咁好笑?


嗚呀~~~


心悠BB話想隻腳大一個Size,買鞋都易啲。


好似要好大力先壓到落去喎


點解心悠BB可以咁靚?