無綫重頭劇《衝上雲霄II》已正式啟航，劇集為我們帶來的得着，除了是飛機師和空姐們的制服誘惑，賞心悅目的風景外，也帶來了不少話題。張智霖（Chilam）自家炮製萬人迷機師角色「Cool魔」，達成不少男觀眾夢寐以求的幻想，雖然如此，Cool魔雖然桃花處處，然而沒有開花結果，難怪Chilam說：「今次係幾孤單嘅角色，佢其實係最寂寞嘅人。」

撰文：何慧斯

張智霖當年憑無綫劇《十月初五的月光》初哥哥一角，迷倒不少女生，大家不期然會幻想如果有一個像初哥哥的男友，相信是天下間最幸福的事。事隔多年，加入《衝上雲霄II》行列的張智霖，再憑自家炮製的萬人迷機師角色「Cool魔」顧夏陽，不但迷倒女生，也成為不少男生羨慕的對象，對此Chilam笑說：「今次係好大挑戰，挑戰緊以前未試過嘅角色，亦係挑戰緊觀眾嘅底線，睇吓佢哋接受我去到乜嘢程度。我做嗰陣都係誠惶誠恐，唔知自己得唔得，所以呢次唔似以前啲角色咁手到拿來，成日都諗唔知夠唔夠寸，又或者寸得滯。」

■張智霖在《衝上雲霄II》中萬人迷Cool魔一角，大受觀眾歡迎，他坦言雖然開心，但不會太飄飄然。
攝影：仇志德

■張智霖難忘《衝II》中與胡杏兒兄妹冰釋前嫌一幕。劇照

「唔會好飄飄然」

Chilam續說：「我覺得男性觀眾會想做呢個角色，正如男士好鍾意做Iron Man（鐵甲奇俠）一樣，有錢又多靚女，又有盔甲保護，但點先為之男性想做嘅人物呢？於是我同監製一齊設計呢個角色，再放喺顧夏陽身上。」這是否他的潛意識？他笑說：「係，我就係好想做呢個人，觀眾先會想睇呢個人，飛機師有型又多女，仲有好多fans，令人夢寐以求就啱。其實歸根究柢，顧夏陽係內心好空虛嘅人，亦係做咁多角色最可憐嘅一個，直到最後原來係冇人愛佢，呢啲情況比較少有。事實上無論你條件幾好，如果人哋個心唔喺你度，就唔喺你度，今次係個幾孤單嘅角色，喺我嘅理解，佢其實係最寂寞嘅人。」

不說不知，原來無綫事前找Chilam演出時，人物性格一直未有定案，他說：「真係多謝佢哋畀空間我設計角色，當初搵我拍嗰陣，反而問我想做乜嘢。事實上我覺得最緊要同唐亦琛（吳鎮宇角色）反差大啲，效果自然會好睇，如果太近似嘅話，冇咗戲劇效果。」

正因如此，Chilam坦言壓力不大，因為他已盡了所有能力。有付出當然有收穫，Cool魔的出現，令Chilam與觀眾之間有互動，的確為他帶來滿足感：「滿足感當然有，但始終我做咗咁多年戲，唔會話好飄飄然，一個演員如果要成長，佢必須盡量試多啲唔同類型嘅嘢，不停突破自己係我嘅目標。」追問Chilam有否推介劇情？他難為情說：「講呢啲真係好肉麻喎！好似好hard sell，我會覺得有場話我同杏兒兄妹冰釋嘅戲，個感覺嚟得好真，大家都好投入做，將最真嘅感情攞咗出嚟，嗰個感覺我好鍾意。我同法拉有一場戲好神秘，視覺上好勁，但要賣關子。」

原有份拍第一輯

Chilam當年演出的《西關大少》，正是與《衝上雲霄》同期推出，結果《西關》贏了，Chilam說：「當年我本來有機會拍《衝上雲霄》，但因為接咗《西關》而推咗，估唔到10年後竟然有呢個機會拍番。呢件事令我覺得緣份嘅嘢好難講，如果命中注定你要遇到呢套劇，無論喺乜嘢時空，都可以有機會遇到。」假如當年Chilam接拍了《衝》劇，或許未必有今時今日的感覺，他笑謂：「我覺得係，o依家先係啱嘅時機去拍，可能人長大咗，令我做好多嘢都多咗信心。作為演員，梗係想俾人發掘唔同嘅一面，成日睇死一面，自己唔悶，觀眾都悶喇！」

每逢提起張智霖，大家總覺得他似乎無慾無求，只管做自己喜歡的事，Chilam笑說：「唔係，我覺得最重要對得起觀眾，正如當初設計顧夏陽一樣，都係從男觀眾角度出發，太曲高和寡冇意思。」

化妝：Shuen Kong of Will Wong
髮型：Vic Kwan of ii hair& nail
服裝提供：MMM of I.T
場地：富豪機場酒店

■《十月初五的月光》中張智霖初哥哥一角，叫人印象難忘。劇照

■當年張智霖和劉松仁主演的《西關大少》，收視比同期的《衝》劇還好。劇照

親子樂齊煲劇

■不時返內地搵人仔的張智霖，指若香港觀眾有需求，他會多回港拍劇。

■張智霖和袁詠儀偶然會在微博晒一家溫馨照。
資料圖片

鏡頭前的張智霖風流有型，鏡頭後他早已有賢內助袁詠儀及兒子張慕童。雖然Chilam甚少將感情掛嘴邊，但不難從生活細節感受到他們的溫馨，Chilam偶然會帶兒子開工，甚至會一起坐在電視機前看他的演出。
Chilam笑說：「感覺幾得意?，上次做壽司（曾在劇中做壽司師傅），先生問佢你爹哋做啲乜嘢，佢咪話我做壽司。佢試過嚟探班，會好奇周圍睇吓，我覺得淨係睇吓都OK。」今次會否家長指引齊齊睇？他笑說：「咁好睇，點解唔畀佢睇？可能佢睇完覺得就係要咁樣做人。」

金句王：對白夠啜核

■在劇中花弗不羈的張智霖，現實生活中是顧家好男人。

Cool魔在劇中爆出的金句，句句精警，絕對稱得上為「女人傾慕，男人羨慕」：

「我鍾意最後一刻先出現，因為唔使對住你哋班廢物咁耐。」

「安全飛行係基本，識得享受過程先係最高手。」

「一嚿朱古力味嘅屎，同一嚿屎味嘅朱古力，點揀呀？」

「你好似阿仙奴咁，喺禁區傳嚟傳去，死都唔射。」

「我覺得每個女人都係上帝嘅傑作，世界上冇一樣嘢可以代替佢哋。我會將女人當係藝術品咁欣賞。」

「Rule number one, there is no rule. Rule number two, follow rule number one.」