「Cool魔」張智霖（Chilam）今日喺灣仔出席手錶品牌活動，獲大會送贈218萬元陀飛輪腕錶，噚日係太太袁詠儀（靚靚）生日，Chilam話自己準備送手錶畀老婆，作為生日禮物。

Chilam早前喺微博大發牢騷，指《衝上雲霄II》角色「顧夏陽」被剪到體無完膚﹑支離破碎，不過之後該條微博被刪除。

今日再問Chilam係咪為被刪戲而唔開心？Chilam解釋：「唔係戲份被剪，有取捨我都明白，自己有時可能畀自私蒙蔽，忘記咗整體，套劇唔係你一個拍，當然想每場都有自己份。」

Chilam又表示會出席《衝II》結局宣傳活動，有網民搞笑話希望佢同「Sam哥」吳鎮宇成為一對，Chiliam笑言：「咁咪又俾人投訴，我哋不停踩緊底線，唔係咁易接受，保守少少好啲。」

張智霖獲贈218萬元陀飛輪腕錶。

張智霖話當然想每場戲都有自己戲份。