許家傑 陳偉洪 善心愛作戰

09年香港先生冠軍許家傑及少年組冠軍陳偉洪高大有型,原來二人都是籃球狂熱分子,經常相約一起打籃球。他們更表示希望可把籃球發揚光大,倣效台灣籃球隊Love Life,以打籃球做慈善。

許家傑(Jack)和陳偉洪(Calvin)這兩位香港先生冠軍人馬,打籃球相當厲害,二人分別在10年和11年奪得傳媒盃的「最佳神射手」,球技精湛。原來他們從小就已經是籃球發燒友,Calvin笑言:「我由讀幼稚園已經接觸籃球,我細個嘅時候喺內地讀書,阿爺會用單車載我去人哋大學度打籃球,仲記得當時打嘅波係膠波,仲會變形。」

許家傑(左)與陳偉洪
許家傑(左)與陳偉洪認為奪個人獎項是其次,最重要都是隊伍可以贏比賽、攞冠軍。

Jack坦言最初接觸籃球是讀小六,他說:「細個嗰陣,哥哥會帶我同佢嘅朋友打波,當時佢哋打波嘅時間好都晏,通常係8至11,所以我人生第一次出夜街都係因為打夜波。」

許家傑
許家傑坦言十年前曾因打籃球而搞到「拗柴」,要抖足一年。
許家傑(左)與陳偉洪
兩位香港先生十分投契,甚有交流。
許家傑(左)與陳偉洪
陳偉洪與許家傑展示籃球場上的戰績。

獲高鈞賢拉攏

而Jack與Calvin亦有跟高鈞賢、翟威廉等人組隊打籃球比賽,問他們最初何以成軍?Jack說:「最初係高鈞賢搵我哋,原來佢喺TVB已經有一隊籃球隊,而公司中又有籃球比賽,順理成章我哋就跟佢一齊打波。後來我們嘅陣容愈來愈強,就會諗吓將籃球發揚光大,希望可以用香港先生嘅名義去推廣健康嘅運動畀青少年人。」

二人亦揚言希望可倣效台灣藝人陳建州(黑人)成立的籃球隊Love Life,舉行慈善比賽,貢獻社會。


本文鏈接:許家傑 陳偉洪 善心愛作戰