徐子珊今日喺沙田出席環保活動，講到今年書展有唔少o靚模以騎呢招數出位，子珊笑稱好彩自己唔係o靚模，仲話自己唔夠佢哋嚟，佢話：「我又唔係Sell身材，又冇嘢睇！」

不過鍾嘉欣BB都出寫真喎，子珊就話：「嘉欣BB係Sell鄰家女孩，每個人Sell嘅都唔同，我冇考慮過出，怕冇人買。」

另外，子珊透露Fans噚日舉行生日會補祝佢生日，佢話收到最有心思禮物，竟然係一張收據：「我同佢哋講過，用買禮物嘅錢做善事，有位粉絲記得，俾咗張收據我，呢份係最好嘅禮物。」

徐子珊話自己冇身材，所以唔考慮出寫真。

子珊出席活動，獲大批粉絲撐場。