近年娛圈盛女排隊出嫁，但與北京筍盤男友拍拖十年的周海媚（海味）卻不為所動，劉先生求婚多次未能如願，食粒糖都開心的海味認為，兩人的感情不靠一紙婚書維繫，反而重視彼此和諧相處，他們更達成共識不婚不育甜蜜終老。

撰文：比華利

現年46歲的周海媚，早年北上掘金，在北京定居，這個轉變更遇上生命中的Mr. Right，絕對是人財兩得，她非常享受盛女人生。海味的圈外男友劉先生在北京經營建築公司，貌似劉翔，較女友年輕7歲，兩人都重視這段姊弟戀，願意遷就和包容對方，改變自己，轉眼海味和男友已拍拖十年。

■幸福滿瀉的周海媚，眉梢眼角滲着甜蜜笑意，怎也看不出是個46歲的盛女。攝影：仇志德

朱古力攻勢

海味自認是個愛笑的儍大姐，隨着人生閱歷多了，她更明白知足常樂的真理，她說：「開唔開心在乎自己心態，我係好簡單嘅人，我好易??，請我食粒糖已好開心。」換句話說，男友劉先生當年力追可有憑糖得米？眼前的海味明顯未食糖已嗒糖說：「佢追我時成日請我食朱古力，我咪咁俾佢??咗。」海味表示劉先生是經朋友介紹認識，彼此一見鍾情，雖然男方年紀比她小，但思想成熟，與海味十分投緣。

88年海味僅21歲時曾跟呂良偉在美國申請結婚，但兩人未有在一年內完成註冊，所以婚姻未有生效，海味從沒後悔這次烏龍「出嫁」，她享受盛女生活，即使跟男友劉先生感情穩定，更視對方為終生伴侶，但海味卻未有衝動做劉太，難道不想組織屬於自己的家庭？海味說：「我已有家庭啦，阿爸阿媽從未催我結婚，佢哋只要個女開心。兩個人一齊都十年，婚書唔重要，最緊要係大家相處開心，我根本唔需要呢啲繁文縟節，我哋冇諗住要小朋友，更冇需要結婚。」

■海味到北京發展多年，身邊不乏追求者。
資料圖片

經歷冷戰期

海味承認熱戀時男友劉先生不時催婚，她說：「最初有?，求過幾次，見我冇應承，佢求求吓都放棄。不過，??家21世紀，結唔結婚都唔重要，我拍戲都着過婚紗，時裝古裝都着過九萬幾次，我已過幻想年代。」海味透露男友性格大男人，她說：「最初拍拖，佢想我退出，好多job唔畀我接。佢始終唔係呢行，試過嚟探班，見我同對手拍談情戲後唔開心，自始就唔再嚟探班，妒忌都好正常。」

情侶相處少不免有爭拗，海味說：「近年做嘢成日飛，冇時間同佢嗌交，遇上意見不合，大家盡量忍讓。其實我哋都試過冷戰個幾月，咁啱嗌交後我要去拍嘢，佢冇打電話畀我，我咪又唔打畀佢，最後拍完嘢返去，我哋已冇事。」

變身煮飯婆

不用開工的海味，最愛做煮飯婆，親自下廚煮住家菜冧男友，她說：「人哋成日話用美食留住男人個胃，我又冇話特登嘅，我都會為佢入廚，煲啖湯，炒啲廣東餸，整吓蜜糖雞翼畀佢食。」
短短的訪問時間已被海味的幸福氣場所感染，問她可認同現階段是人生最幸福的時候，她說：「我嘅人生起碼仲有二、三十年，我唔知??家算唔算最幸福，但對比以前，??家輕鬆啲，我可以選擇點過自己嘅生活。」開心笑不停，或者正是海味不老之謎。

髮型：Jo Chan
場地：Alba

最愛金毛

■10歲的金毛Tommy由香港陪伴海味到北京生活。

每次出埠工作，最令周海媚牽腸掛肚的，並不是她的北京男友劉先生，而是她飼養的10歲金毛尋回犬Tommy，愛犬是海味當年由香港帶往北京一同生活的同居密友，她說：「每晚我都要攬住佢瞓，所以我一離開屋企拍嘢，就要帶個攬枕代替佢。」

■周海媚是個負責任的狗主，時常親自照顧愛犬。資料圖片

狗狗當乖仔

海味和男友劉先生感情穩定，兩人更視愛犬Tommy為親生仔，她說：「我平日會親自照顧佢，每次出埠做嘢，Tommy都唔肯食嘢，仲會瘦咗，所以出去太耐，我會叫屋企人連接視像，等我可以見到佢，Tommy又可以聽吓我把聲。」現年46歲的海味無意做高齡產婦，樂得跟男友享受二人世界，她說：「Tommy就係我哋嘅囝囝，有咗佢我已經好滿足。」

烏龍外傳

近年北上賺人仔的周海媚，近日回流香港拍攝娘家無綫新劇《神槍狙擊2013》，她與張兆輝有感情戲，海味強調跟上位花旦徐子珊對手戲不多，但卻傳出兩女爭戲份不咬弦，海味摸不着頭腦說：「真係唔知點解傳出嚟，我同子珊冇乜對手戲，不過大家見面都有講有笑，我又唔爭啲乜嘢，但求大家關係融洽，開工起嚟投入啲。」

■烏龍王海味表示不明為何返娘家拍劇會與徐子珊傳不和。

戴耳機上鏡

海味表示自己性格簡單，不熱衷爭逐名利，她說：「我拍呢套劇，好多趣事，輝哥（張兆輝）封咗我做『烏龍王』，我成日外景會漏低嘢，手機都跌過幾次，好彩輝哥幫我執番，每次外景完，大家必問我係咪帶晒嘢先上車走。」訪問時，海味補一下妝，照了照鏡便應攝影師安排埋位拍照，她卻忘了除下耳朵掛着的藍芽耳機，烏龍王果然名不虛傳。