最近有報道指吳卓羲同傅嘉莉撻著，男方仲以糖水攻勢向傅嘉莉展開追求，今日傅嘉莉身穿性感露背裝出席護髮用品活動，受訪時伊人全程甜笑好鬼冧。傅嘉莉話要代言廣告所以要喼弗，咁唔好叫吳卓羲送糖水喇，佢就話：「但係我真係好鍾意食糖水喎！」傅嘉莉仲大讚吳卓羲係筍盤，又讚對方好sweet、好幽默、好體貼。

讚到男方天上有地下無，咁係咪拍拖呢？傅嘉莉就話將來事無人知，佢只承認雙方係好好好好嘅朋友，佢話：「等佢同大家公開承認係追我先，男仔要有風度，女仔要有矜持。」佢又表示拍拖講感覺，0依家大家都感覺好好，咁約吳卓羲唱K囉，傅嘉莉就口快快咁講：「我好鍾意唱K！」至於想不想吳卓羲超越林峯，講八個愛變「傅八愛」？佢就繼續冧爆咁話：「拍拖都想對方對自己好sweet啦！」

唔知當年吳卓羲追張馨予時，有冇用過糖水攻勢呢？