「我從來都冇一個框框畀自己，喺演戲嘅世界裏面，只要合情合理，做乜都冇所謂，唔會因為現實接受唔到嘅事就唔做，做演員係唔應該有呢啲嘢。」馬國明入行14年，去年在《On Call36小時》演「張一健」捱出頭，最近在《衝上雲霄II》中，他與江美儀一段姊弟戀，惹來不少迴響，有人覺得重口味，有人覺得像母子戀，無論外間怎樣批評，對於馬明而言，再度參與《衝上雲霄II》的演出，意義大於一切。
從來覺得男演員比女演員幸運，演藝事業的壽命比女演員長，即使年過半百，仍可配一些年輕貌美的女演員演情侶，贏盡男觀眾的艷羨目光；反觀女演員隨時不到30歲，已經逃不過做媽媽的命運，甚至當被安排與年紀較自己小的男演員演情侶外間總是看不過眼，劣評如潮，情況慘不忍睹。
■馬國明入行已經14年，直至近年才捱出頭。
被視為新一代筍盤的馬國明（馬明），今次在無綫劇《衝上雲霄II》中，與江美儀的姊弟戀，正正遇上這問題，但馬明一於懶理，他說：「我覺得真係好睇你接唔接受姊弟戀，我自己覺得ＯＫ，事關喺戲裏面佢哋兩個係好夾，所以好自然咁行咗埋一齊。我喺現實生活未試過姊弟戀，但係我覺得只要你鍾意一個人，年齡真係唔係問題。」
■在《衝II》中馬國明被安排與江美儀激咀，被網民譏諷為「母子戀」。
電視圖片
■馬國明與江美儀的床戲，成為近日《衝II》的熱門話題。
電視圖片
■10年前馬國明在《衝上雲霄》扮演S4其中一員，亦是當年最不起眼的一個。劇照
盼演同志自我挑戰
或許因為形象所限，觀眾理所當然覺得小生一定要配花旦，對此，馬明說：「我一開始已經知道會有一段姊弟戀，今次係有別於過往觀眾覺得馬國明理所當然襯楊怡、李詩韻，襯邊個邊個，總會有少少唔同，我覺得作為一個演員冇乜所謂，如果將來有套戲，要我拍同性戀，我都會做。我從來都冇一個框框畀自己，喺演戲嘅世界裏面，只要合情理，做乜嘢都冇所謂，唔會因為現實接受唔到嘅事就唔做，做演員係唔應該有呢啲嘢。」
馬明10年前參演過《衝上雲霄》，想不到10年後又有份演《衝II》，無論在戲內戲外都有轉變，馬明笑說：「你問我會覺得真係好好運，條路亦唔算好難行，係幸運嗰批，因為太多師兄仲等緊機會。今次再拍對我嚟講感受好深，嗰陣做咗3年甲乙丙，《衝》係我第一個有對白、有角色連戲嘅劇集，所以今次對我嚟講紀念價值仲好大，意義大於一切。」
去年馬明憑《On Call36小時》的角色張一健突圍而出，但《衝II》的焦點集中在吳鎮宇和張智霖身上，馬明坦言：「我會形容自己今次係配角，但係冇所謂，亦唔介意係咪主角，最緊要條線好唔好睇。好似拍《真相》嘅時候，我只係得4集戲，但係我好鍾意，每一套劇係團隊工作，我冇呢方面嘅擔憂，只係擔心出嚟嘅效果好唔好睇，我想改變戲路，亦唔介意去改。」他更笑言不介意被提名男配角，只要集齊男配角和視帝，相信對賺外快有一定幫助。
甘認大叔怕湊o靚妹
一直希望可以嘗試不同工作的馬明，先後因為檔期不合喪失了不少機會，不過稍後他將會參與電影演出，收到劇本的馬明仍未有時間鑽研，但他被問到拍電影會否更加無底線？他說：「可能會去盡啲㗎！始終電影同電視嘅尺度唔同，不過都要睇劇本需唔需要有呢場戲，如果無端端整一場床戲，只係為咗令觀眾有noise，我諗拍戲唔會係呢啲咁嘅嘢，而係嗰場戲真係有message帶出嚟，我諗做演員真係冇所謂，反而應該豁出去。」問馬明會否期待？他笑說：「點都會嘅，始終我未試過拍電影，我都想試吓同外面啲演員、導演合作，話唔定呢個經驗會對我將來喺無綫拍劇有另一個幫助。」
即使被視為筍盤，馬明一直未有新戀情，再三追問他的感情狀況，他總是笑笑口稱專心工作，要努力賺錢，笑問他會否發展姊弟戀？他說：「唔知呀，始終未遇到，但係太o靚妹又唔得，我唔介意俾人叫大叔，只係覺得唔知點湊佢。有時拍劇遇到啲20歲嘅女仔，同佢哋拍嘢好似湊女，真係好攰。好彩只係拍戲箒，真嘅我真係死畀你睇。我有啲朋友話60歲嘅男人梗係鍾意啲20歲嘅女仔，其實我真係唔係囉，我唔可以當佢小朋友咁湊，我寧願佢有啲思想，成熟少少，我湊唔慣啲小朋友。
闖影圈儲彈藥
■馬國明慶幸男演員的演藝壽命比女演員長。
娛樂圈一直有個未經證實的傳言，電視藝員很難在電影圈立足，因為在電視可以免費見到的演員，何解要觀眾出錢買票入場？馬國明說：「我都有聽講，之前有好多前輩講過，如果真係要拍電影，需要收埋自己一段時間，我諗要啲時間，但係o依家個分別唔係好大。我同鎮宇哥拍劇嗰陣都有傾過，佢話只係觀眾覺得箒，當然電影同電視係兩套語言，電影係導演主導多啲，電視反而係演員主導，不過喺拍攝上嘅問題反而唔大。」
舞台劇都想試
馬明續說：「o依家我只係抱住一個學習嘅態度去做，咪當學吓嘢，但係對我嚟講，彈藥多咗，自然信心都多咗，今次拍電影只係第一部，仲有好多嘢想試，太多角色未做過，有機會仲想玩舞台劇，我希望越嚟越多機會試新嘢。」
最近不少小生花旦相繼離開無綫外闖，問馬明會否有這一日，他說：「我個人比較穩陣，始終我有負擔，除非你去到某一個位置，做到人哋願意等你，而唔係好似搵你馬國明唔得，咪搵邊個邊個囉，或者等我儲多啲籌碼先啦，況且公司對我好好，好多時畀好多好嘅角色我去發揮，真係好錫馬國明。」