「乜咁煩呀？白頭髮？你又煩？搽咗啲咩呀？黃甘甘咁嘅？學我啦！梳啲美源髮采，逐漸變黑又得，立即變黑晒亦得，得咗。」呢個廣告，陪住80後成長，同「愛膚堅」、「黑旋風」一樣，都係大家嘅集體回憶。
大家經常見到呢個，係1986年嘅廣告，陪伴大家多少個早午晚。但曾江話，呢個廣告係70年代拍0架喇，計吓條數，嗰陣佢35歲，依家都就快80歲喇!咁多年來，「美源髮采」廣告只係後面嗰兩個「路人甲乙」唔同咗，令畫面有啲變化，但究其實，仍然都係嗰個廣告。大家細細個睇嘅版本，原來都已經播咗廿幾年喇。
嗰陣細個睇美源髮采廣告，可能會有個慨念，就係原來白頭髮可以立即變黑同慢慢變黑，原來螢幕上慣演大惡人如《誓不低頭》殺人全家卻害到鄭少秋坐冤獄的陸國榮，又或是離經叛道邪氣迫人的東邪黃藥師，竟然都有白頭髮的煩惱。大家細個嗰陣，又有冇同白髮漸生的爺爺嫲嫲講:「梳啲美源髮采，逐漸變黑又得，立即變黑晒亦得，得咗。」呢句？
(仲有網民記得，播呢個美源髮采廣告之後，係播Pigeon嬰兒用品廣告:「用Pigeon，BB開心，媽咪放心」，勁喎!依家個BB，做咗爸爸未呢？)
同一個廣告，由曾江後生播到老，但0依家，曾江都唔用美源髮采，佢用另一隻牌子喇——廣告中。早幾日已有人留意到曾江有個新嘅染髮廣告出爐喇。拍攝場景已變成哥爾夫球場，眾人打完波閒坐吹水，友人笑問曾江：「你仲係用緊嗰隻染髮呀？」一頭濃密烏髮嘅曾江就好自豪咁摸摸個頭話:「我用緊Salon de Pro染髮霜，你睇啲頭髮，自然柔順冇味健康。」最後再加多句:「Salon de Pro，你染咗未呀？」
擺明抽美源髮采嘅水喎，如果兩廣告緊接於同一時段播，都幾有趣喎。不過新廣告中眾配角的髮型就真係……同86年冇分別，一樣咁娘，一樣gel到好「實」囉。
網民點睇新廣告？
「第一句擺明寸美源髮采」
「曾江用了美源髮采30多年，他終於『與時俱進』，用咗其他牌子了。這個染髮廣告真高章，一方面踩美源髮采，另一方面用曾江講個用品的好處，好嘢！」
「我覺得廣告一開始一個黑波代替另一個黑波去遮住個白波，意思即係換第二隻染髮劑去染啲白頭髮。個廣告真係由頭抽到落尾。
「可惡，美源先係王道，背叛者罪該萬死」
「只要酬勞滿意，接甚麼產品廣告都得啦！曾江不過是有職業道德在演出上滿足廣告客戶的要求講對白啫，不存在他反骨踩他上一隻代言的產品，他有自由揀選代言的產品拍廣告。」
一見左圖，大家自然諗起呢句:「乜咁煩呀？白頭髮？你又煩？搽咗啲咩呀？黃甘甘咁嘅？」依家，要改為右圖對白:「我用緊Salon de Pro染髮霜。」
網民點睇新廣告？
「第一句擺明寸美源髮采」
「曾江用了美源髮采30多年，他終於『與時俱進』，用咗其他牌子了。這個染髮廣告真高章，一方面踩美源髮采，另一方面用曾江講個用品的好處，好嘢！」
「我覺得廣告一開始一個黑波代替另一個黑波去遮住個白波，意思即係換第二隻染髮劑去染啲白頭髮。個廣告真係由頭抽到落尾。
「可惡，美源先係王道，背叛者罪該萬死」
「只要酬勞滿意，接甚麼產品廣告都得啦！曾江不過是有職業道德在演出上滿足廣告客戶的要求講對白啫，不存在他反骨踩他上一隻代言的產品，他有自由揀選代言的產品拍廣告。」
去片:
新廣告:
舊廣告:
唔好漏咗呢個呀:
美源髮采，恭喜大家發財:
曾江慨歎被賣豬仔 廣告播足咁耐：我一蚊都唔會收到
正當大家好懷念美源髮采廣告，深恐以後冇得睇之際……其實，係唔使擔心，因為呢個廣告，播幾十年都仲得（曾江話七十年代拍0架喇，嗰陣曾江得35歲咋)，只要個品牌一日尚存於世，有錢買air time就可以。事緣當年曾江拍呢個廣告嗰陣，廣告商已經「買斷」咗播放權，利用當年簽合同冇寫明播送期限，所以即使同一廣告由曾江後生嗰陣播到老，曾江都冇聲出，亦冇得分紅。
曾江曾接受訪問，表示「美源髮采」呢個廣告播咁耐，亦是其始料未及：「當年自己嘅經理人同廣告公司談判好，決定賣斷廣告嘅播放權，電視播多幾十年，我一蚊都唔會收到。」曾江笑言這是他當年「無知」的結果，但亦慶幸：「我應該係首位電視藝員賣廣告，而且當年流行 hard sell，對白好簡單。走入studio，一兩個take就得喇。」
其實廣告商真係早有此一著，所以點解當年個廣告係以特技藍背景拍攝，就係為咗令同一個廣告長播長有之餘，後面兩位演員可以隨意更換，只係曾江一個唔換，再夾番口形，咁，又係一條「新廣告」喇。
蔡瀾都唔抵得頸，曾撰文寫道:「當今電視廣告賣曾江的黑髮膏，一賣數十年，同一條廣告。曾江給他們從年輕賣到老，可見廣告商利用當年簽合同沒寫明播送期限，剝削曾江至今。明理的老闆一定不會做出這種事來，就算是法律上不受限制，也不能那麼壞呀。」
看得出圖中分別嗎？
對住美源髮采40年 曾江轉染髮劑：今次有訂明年期
今次拍呢個新廣告，曾江接受訪問時表示今次酬勞幾好，講到美源髮采廣告好深入人心，佢話：「希望呢個更加深入人心囉，我啲廣告OK 0架，唔係亂嚟，我試過先至做0架。」
咁曾江又覺唔覺得之前嘅廣告商搵笨？佢就話冇，始終當年未有人拍過廣告，唔清楚呢啲年期問題，佢仲笑道：「耐唔耐見到自己咁後生都開心！」經過上次教訓，今次曾江拍呢個新廣告，合約上訂明年期；但年期幾耐，曾江就話唔記得喇。