鍾鎮濤（阿B）昨日在香港仔深灣遊艇俱樂部，筵開15席補擺60大壽喜酒，周麗淇（Niki）同謝天華因工作姍姍來遲，Niki透露送酒，而天華就送小飾物，其他賓客包括劉嘉玲、吳廷燁、梁家輝、張家輝、張學友、邱淑貞、蔡一傑、葉童夫婦、陳欣健等，群星跟足大會指定服飾到場，個個都以嬉皮士懷舊look到場，扮鬼扮馬好精采。
晚上十點幾陸續離開，而吳卓羲離開時面紅紅，千語BB就由友人護送下離開。阿叻陳百祥被問到有冇人飲醉？佢話：「冇，但個個玩得好開心，反而黃杏秀有少少醉。」而阿B、曾志偉、譚詠麟等至零晨12時多仍繼續狂歡。
當晚Dress code係嬉皮士，阿B仲自掏腰包拎三萬元作獎金，頒畀最佳衣著人士，結果由葉童夫婦、邱淑貞、張家輝、陳欣健同上山詩納平分獎金，皆大歡喜。
左起﹕陳國熹、阿B同葉童。
B哥同愛女鍾幗情深一吻。
呢個係陳欣健，認唔到？認佢嘅馬面﹗
黃百鳴太太同仔仔黃子桓。
叻哥同秀姑帶咗六支紅酒、六支威士忌同大利是，寓意六六無窮。
劉嘉玲（左）同老公個老死吳廷燁呢個打扮，hea咗啲……
暫時係蔡一傑扮嬉皮士最似，有望攞走三萬蚊。
全靠身形認到佢係志偉。究竟佢今晚會否又俾人抬出嚟？
阿倫俾人笑佢著咗伯母件衫…
吳卓羲唔跟dress code，但人到已經夠數啦。
B哥今日補足牛一。最開心仲係家人齊齊整整平平安安，朋友開心快樂﹗
學友
梁家輝
殼王陳國強
嘉玲同吳廷燁
吳卓羲似乎飲咗唔少喎，離開時面紅紅，浮下浮下咁﹗
所以最終佢係選擇坐的士離開。
呢位係………陳欣健？
千語BB離開時揮手。
由友人護送下搭的士離開，林峯可以放心了﹗
阿叻秀姑無時無刻都咁恩愛。
周麗淇同謝天華因工作關係姍姍來遲。
呢個係張家輝。