十年感情仍甜蜜蜜 黃德斌拖女友溫馨辦年貨

47歲的黃德斌與女友黃美恩(Joyce)拍拖10年,雖然他強調仍未有結婚打算,但兩人經常有影皆雙,擺明打風都打唔甩。日前本報發現黃德斌和Joyce在中環拍拖逛街,其間Joyce不時繞着男友,隨身帶着相機的黃德斌,趁着女友選購物品時,亦替對方拍攝沙龍靚相,溫馨又甜蜜蜜,認真羨慕死人。

06年憑《火舞黃沙》奪得無綫台慶頒獎禮最佳男配角的黃德斌,今年再憑《飛女正傳》角逐此獎,雖然最後敗給《義海豪情》的麥長青,但無損黃德斌的心情,皆因事業失意,愛情繼續得意。

廿四孝男友

黃德斌跟拍拖逾10年的圈外女友Joyce,感情穩定,近年更有傳兩人好事近,買樓準備結婚,但他一直否認,只笑着回應說:「暫時未有計劃,有嘅話到時話你知啦,我都好忙o架!你估生仔係追潮流咩?等我搵多啲錢先,依家未計劃,我啲精神要用來照顧啲狗。」

出名錫女友的黃德斌,近日雖然忙於拍攝新劇《心戰》,難得有空檔即陪女友到中環掃貨。日前本報發現這名廿四孝男友跟女友在中環安蘭街出現,之後再到了附近的置地商場逛街。雖然女友揀的都是香水及手袋等女人恩物,但平日Man爆的他,依然照樣陪着女友選購,完全冇乍型,還不時拿出深愛的哈蘇(Hasselblad)相機替女友留影,猶如剛拍拖的情侶,認真羨煞旁人,就算結唔結婚,其實都冇咩分別啦!

大隻型男黃德斌,日前與拍拖十年的女友行街辦年貨,二人十指緊扣,真係打風都打唔甩

大隻型男黃德斌,日前與拍拖十年的女友行街辦年貨,二人十指緊扣,真係打風都打唔甩。

女友揀香水,Man爆的黃德斌照樣陪着女友身邊,男士們要學吓喇

女友揀香水,Man爆的黃德斌照樣陪着女友身邊,男士們要學吓喇!

拍拖十年會唔會悶?睇吓Joyce揀手袋時,閒着無聊的黃德斌拿起心愛相機,替女友影沙龍,幾有情趣!

拍拖十年會唔會悶?睇吓Joyce揀手袋時,閒着無聊的黃德斌拿起心愛相機,替女友影沙龍,幾有情趣!

黃德斌