徐淑敏老公迷幻派對媾女照曝光 黃浩:我俾人整蠱

徐淑敏(Suki)夫婿黃浩的餐廳去年被爆濫收藝人錢後,自此點着火頭,近日他稱廂房閉路電視拍到藝人吸毒片段,同時徐濠縈和陳冠希在網上和應寸爆黃浩,坊間對絕密片段充滿好奇,偏偏卻未流出,此時黃浩早前在台灣迷幻派對狂歡相卻在網上熱傳,相中看到他跟36F雷凱欣、?模馮鎵瀠(Naomi)及幾名索女high爆夜蒲,黃浩認爛飲,但否認吸毒,他懷疑連串是非是同一班人所為,他說:「呢啲嘢天會收。」

徐淑敏老公迷幻媾女照曝光 黃浩:我俾人整蠱
■黃浩(箭嘴示)被指早前在台灣參加迷幻派對,相中見他與雷凱欣、DJ細So老婆阿Wing、?模Naomi及其他索女狂歡,認真好艷福。

徐淑敏老公黃浩旗下食肆被爆有藝人吸毒,有指店中閉路電視拍下廂房中有藝人吸毒,黃浩日前爆料稱被前員工勒索,甚至當日房中人透過有力人士向他恐嚇施壓,要求息事寧人,黃浩最初有意低調解決事件,但連日事件越來越複雜,警方近日更聯絡黃浩要求他把片段交出以作調查。藝人吸毒片段暫未曝光,但黃浩卻被爆出婚前在台灣參加迷幻派對!

「呢啲嘢天會收」

據知黃浩被爆參加的迷幻派對發生在09年4月,同年11月即修心養性跟徐淑敏(Suki)奉女成婚。迷幻派對流出的照片中不乏圈中人,包括《3D肉蒲團之極樂寶鑑》女主角雷凱欣、台灣藝人陳漢典、?模Naomi、商台DJ蘇耀宗(細So)的太太陳穎楠(阿Wing)、阿Wing的兩名索女友人,又有一貌似王愛倫兒子林建億的男子等。從照片看來,男男女女都飲到大醉,high到瞇眼,黃浩則左擁右抱雷凱欣和索女,其間黃浩既咀索女臉頰,又把頭擱在雷凱欣肩上自拍。

徐淑敏老公迷幻媾女照曝光 黃浩:我俾人整蠱
■眼神迷離的黃浩與雷凱欣頭貼頭。

徐淑敏老公迷幻媾女照曝光 黃浩:我俾人整蠱
■對於老公被指出席迷幻派對,徐淑敏對老公投以信任一票。資料圖片

記者就此事致電黃浩,他昨在電話中說:「我冇參加過迷幻派對,記得嗰次係朋友生日,我好鍾意溝酒飲,印象中嗰晚我落機就去,有啲攰,去到唱K度我食完嘢就走,我一世人未食過煙,又點會以身試法吸毒。」提到藝人吸毒片段未曝光,偏偏卻有他high爆相爆出,黃浩說:「我覺得俾同一班人整蠱,我冇指名道姓話邊啲人做過啲乜,但有啲人對號入座,希望佢哋收手。我冇咁好氣,把口生喺佢度,隻手又生喺佢度。點解咁小事要嬲咁耐,其實唔係踩到我咁痛,我都會算,我唔係有仇必報嘅人。我會平常心面對,我已冇火,做番自己,呢啲嘢天會收,我交律師處理。」黃浩昨又接受商台《1圈圈》訪問,提到徐濠縈將其大頭照放上網,之後遭李璨琛老婆留言鬧爆,他說:「如果佢咁講,我會告佢誹謗。」他指首次說出此事時,曾有幾名好友致電他,求他幫手講些好話,故之後才改口說可能是解酒丸,但也有人致電他說些恐嚇說話。

徐淑敏老公迷幻媾女照曝光 黃浩:我俾人整蠱
■台灣藝人陳漢典當晚也有出席,黃浩(箭嘴示)則靠邊站。

徐淑敏老公迷幻媾女照曝光 黃浩:我俾人整蠱
■細So老婆阿Wing(左一)、雷凱欣(中)、Naomi(右二)和兩名索女擺cute爆甫士影相。

葉佩雯昨日跟老公郭偉亮出席活動時對事件封嘴。
■葉佩雯昨日跟老公郭偉亮出席活動時對事件封嘴。

Suki則對老公黃浩很信任,她昨在電話說:「老公冇嗰啲不良嗜好,佢最多鍾意飲酒,有時醉咗會做儍事,我不嬲都知。」她又謂不擔心老公是非纏身,她說:「我懷疑家門前整路影響風水,問咗師傅有乜嘢化解。」

當晚有出席派對的Naomi,昨在電話堅稱沒迷幻成份,她說:「我哋只係飲酒同唱K,Kenny(黃浩)次次嚟台灣都約我哋去玩,佢同雷凱欣比較熟,我哋一般夜晚6、7點食飯,直落唱K到第二朝9點,有時Kenny走先。」照片中見大家玩到high爆,Naomi說:「佢(黃浩)錫女仔面影相都係玩吓啫,又唔係錫嘴。」她強調當晚沒人吸毒:「絕對冇,睇我咁肥就知我冇,我知圈中有女仔為瘦而吸毒。」對於黃浩被徐濠縈等貼相,又被陳冠希鬧爆,Naomi說:「有人刻意搞事。」


■徐濠縈昨日在微博放跑步相,似力證自己生活健康。

葉佩雯封嘴避談

曾光顧黃浩食肆的葉佩雯,昨日偕老公郭偉亮(Eric)在中環出席活動。提到徐濠縈貼相事件,葉佩雯說:「我擺完酒病咗,冇睇新聞,加把嘴沒完沒了,總之唔係事實嘅嘢唔回應。」黃浩被揭到迷幻派對狂歡,葉佩雯說:「唔回應啦。」Eric則謂沒去過黃浩餐廳:「我唔知黃浩係邊個,我唔識佢。」另外,徐濠縈昨在微博放跑步相,心情似未受影響。

採訪:葉雪、楊潔雯、胡比

人人自危:藝人捲吸毒風暴

正當全城關注藝人迷幻短片何時流出之際,昨日卻先有黃浩迷幻咀女照流出。其實事件始於一宗傳聞,有傳有藝人在黃浩有份投資、位於銅鑼灣的台灣一品花雕雞餐廳的VIP房內吸毒,據悉有閉路電視拍下整個過程。盛傳捲進事件的藝人有四女三男,其中包括已婚女歌手、歌星妻子、影壇女星、潮人主持、潮舖老闆及兩名男音樂人。

黃浩現身灣仔警察總部

日前女藝人徐淑敏(Suki)老公黃浩自爆發現有藝人在其餐廳內涉及不當行為,昨日他在灣仔警察總部出現,估計是協助調查。而他昨日接受電台節目訪問時表示,有朋友要求他不要將短片交予警方:「有幾個朋友係求嘅,好有禮貌,但有兩個電話就涉恐嚇成分!」

談到網上流傳其「迷幻照」,相中黃浩與嫩模Naomi(馮鎵瀠)等夜蒲,並與一名索女甚親暱,他說:「幾年前喺台灣影,當時我未識Suki。(個樣好迷幻?)飲咗酒啫!我不嬲唔食煙亦冇不良嗜好,唔知點解會出現番啲舊相,係畀人整蠱。」Naomi則表示只是好友聚會,絕不涉及藥物。此外,黃浩曾聲稱會控告在Instagram貼文者誹謗,他昨日表示要先與律師商量。