商天娥自爆霸道得個樣
「識我嘅人就會知」

10月做新娘的商天娥，臉上的霸氣在不知不覺間消退了。

拍劇多年的商天娥於無綫劇集《掌上明珠》中，演強悍潑辣的女人維妙維肖，娥姐坦言因其樣貌生得過於霸氣，兼且屢傳與女拍檔不和的負面新聞，予人一種難以親近的感覺，所以要澄清一下。感性的娥姐自言重視愛情親情多於獎項名利，所以從不為爭台慶獎及排位而煩惱，可見 10月做新娘的娥姐，已找到了人生的終極目標。

近日無綫播出劇集《掌上明珠》收視及口碑均不俗，當中由商天娥扮演的朱碧雲，更因掌管朱家業務令娥姐於觀眾心目中留下深刻印象，加上她又知祥興（林保怡）對二妹碧霞（宣萱）有好感，但碧霞竟哭着向碧雲求助，說另有意中人不肯嫁祥興。碧雲為了妹妹及家業，寧願犧牲自己嫁予祥興，更令她惹人憐愛，而其後兩姊妹更因家產及男人而反目，幕幕故事令娥姐可盡情發揮演技，吸引觀眾。

碧霞和碧雲兩姐妹在《掌上明珠》中矛盾重重，戲外宣萱和娥姐則被傳不和。劇照

看娥姐與曾志偉玩得多投入，就知她是大情大性玩得之人。資料圖片
「獎項冇乜所謂！」

娥姐入行多年，雖然與台慶獎無緣，但她豪氣地說：「獎項呢啲冇乜嘢所謂！」

對於近年不少劇集以「爭」為題材吸引觀眾，娥姐說：「呢啲係人性嘅反面教材，當你爭得多嘅時候就會想過番啲平淡嘅生活。」娥姐坦言入行多年從未有想過爭任何名利，她說：「總之做好自己本份，有啲嘢係你嘅就係你嘅，唔需要爭。」至於每年無綫台慶頒獎禮上的男女主角獎，更是一眾藝人的爭奪目標，娥姐表示從未有為爭獎一事而煩惱過，她說：「獎項呢啲冇乜嘢所謂！」
娥姐表示當初接到劇本後，完全沒有為自己的角色而做準備，她說：「自己根本唔需要做乜嘢準備，因為自己一直都要保持住每日學習嘅心態去面對，根本已經每日都裝備緊自己，每日都要有料出嚟畀人睇，如果唔係會同時代脫節。」對於劇中的角色，娥姐直言跟自己性格上有點相似之處，因為兩者均十分感性，她說：「以前細個會更加感性，會同一般年輕人一樣，戀愛大過天，家人成熟咗，昇華咗，知道可以分好多部份，仲有親情同友情，會分配得平均啲。」
負面新聞當宣傳

待嫁的甜蜜心情，早已畫在商天娥的臉龐上。

娥姐向來予人的感覺十分強悍及霸道，令人有點不敢親近，而多年來拍劇時更曾傳出與其他女主角不和，娥姐表示自己一定要澄清，她說：「我只係個樣生得比較有霸氣，認識我嘅人就會知我嘅性格，外表係點唔重要，最重要係內心係真，有時話我同人不和，其實我都只當係為套劇宣傳，咁我又冇緋聞傳，就只可以傳呢啲負面新聞。」即將做 10月新娘的娥姐表示婚禮已準備得七七八八，但家還未覺得緊張，一切十分平靜。
採訪：王崇穎　攝影：陳慧安

傳娥姐宣萱不和
林保怡：梗係有嗌交

林保怡力撐商天娥只是心直口快，絕對不是難相處。

在無綫劇集《掌上明珠》中，兩姊妹朱碧雲（商天娥飾）和朱碧霞（宣萱飾）為家業為男人鬥得難分難解，戲內連場爭產固然鬥得精采，但戲外故事也不遑多讓。有傳娥姐和宣萱不和，林保怡不置可否，只謂一齣劇這麼多演員，中間難免有拗撬。

在無綫新劇《掌上明珠》中，林保怡周旋在兩姊妹之間，近來傳出商天娥和宣萱鬧不和，娥姐更被指難相處，林保怡日前在九龍塘接受訪問，力撐娥姐說：「佢只係個人性格太直，遇到啲唔鍾意嘅事，就會講晒出嚟，始終佢係我前輩，我好尊重佢講嘅嘢，有時佢講嘅嘢未必唔啱，不過未必人人聽得入耳。」
撐娥姐直腸直肚

在《掌上明珠》中，林保怡和商天娥飾演夫妻，有甚多對手戲。劇照

問到保怡有否替娥姐不值？他說：「佢自己都要檢討吓，如果我好似佢平時講嘢咁直，我會選擇唔出聲，咪由得人哋死囉！我唔覺得咁做會對我有影響。」
保怡續說：「我自問 EQ好高，高到好似高人，一組戲咁多演員，大家一齊出出入入，梗係會有嗌交，咁樣就激氣真係死得。呢個話題唔好再圍繞前輩，我哋講緊係《掌上明珠》。」
對收視感到樂觀

保怡自言不緊張收視，最重要是劇集有口碑。

提到《掌上明珠》收視一般，保怡笑說：「梗係喇！何祥興（林保怡劇中角色）仲未真正行出嚟，啲收視梗係低啦！觀眾口味我一個人控制唔到，我希望下星期何祥興戲份多啲會扭轉局面。家收視對我嚟講冇晒感覺，雖然收視唔好，但係我知道呢套劇真係好多人講，又好多人睇。」
採訪：何慧斯　攝影：陳俊強
場地提供： Amaroni’s． Little． Italy

林保怡懶理忠奸只求好戲

林保怡近年演了不少奸角，不過他希望觀眾不要用忠和奸去分辨角色，在劇集《掌上明珠》中，他演精神分裂的朱祥興，日前才聽到監製表示，掌的意思是指劇中女角商天娥、宣萱等被他玩弄於手掌之中，他說：「觀眾睇戲要睇整個角色發展，唔應該咁快判斷角色係忠定奸，依家收視雖一般，但好嘅劇一定多人睇，希望會有扭轉。」對於「視帝」獎項，他謂：「都攞過啦，我又唔恨，攞個獎返屋企都冇碇擺。」

林保怡曾奪視帝獎項，對此已不奢望。

另外，有指他戲中的老婆商天娥是「惹火」女郎，與拍檔傳不和，保怡維護她說：「娥姐性格太直，一唔鍾意就出聲，佢都係我前輩，我好尊重佢，只不過有人聽得入耳，有人聽唔入耳，人哋接受唔到，咪少啲出聲囉！」之前他與楊謹華、張赫等在上海拍攝《愛上女主播》，稍後會再到上海拍劇集《金枝玉葉》。

場地：AMARONI’S Little Italy（又一城）

服裝：Guess