萬綺雯激吻戲 激親老公 暫停唔拍
萬綺雯、黃宗澤(Bosco)、黃智雯同王浩信等今日去到葵芳,宣傳劇集《好心作怪》,而劇中主要演員苗僑偉同周麗淇(Niki)就缺席,後者原來去咗內地搵真銀。不過Niki都好有心,打長途電影返嚟打氣,仲話會趕及大結果會合大隊。至於Bosco話準備咗三點式畀佢著,佢就話想睇Bosco三角泳褲多啲喎。
萬綺雯同袁偉豪激吻劇情又再成為宣傳焦點,司儀係咁取笑兩人「打車輪」,更問萬綺雯拍攝時袁偉豪有冇伸脷,令萬綺雯大呼內容太三級。
日前播出激吻戲,萬綺雯表示嗰晚同老公陳十三一齊睇。問到老公有何反應?蚊蚊笑道:「佢話都ok。」佢話當時自己再補充句指:「呢啲戲都唔可以拍得多。」老公在旁立即和應。蚊蚊又表示稍後接拍輕鬆開心劇種,暫時唔會再演激情戲。
今日袁偉豪同萬綺雯因為之前場激吻戲,全程被玩呀陰功﹗
三哥今日缺席,要合照,惟有咁樣…
蚊蚊話暫時唔再拍激情戲,仲話呢啲戲唔可以得太多。
邊個撞親蚊蚊咁大膽?唔係,只係佢自己笑到坐低咗。
黃宗澤幫王浩信印緊面油定抹汗呢?
黃智雯胸壓王浩信 Bosco笑爆:留波印
索爆黃智雯胸壓王浩信……有人眼火爆?
今日《好心作怪》眾演員到葵芳宣傳劇集,噚晚有份喺《勁歌》優秀選憑劇集《好心作怪》片尾曲《最後祝福》得獎、但演唱時被譏唱功嚇人嘅黃宗澤(Bosco)一身潮人look現身,惜主角苗僑偉同周麗淇今日都缺席。
玩遊戲時,王浩信負責背起黃智雯、袁偉豪就孭起萬綺雯扯大纜,嘩,兩位男士背肌應該感受到一定程度嘅「壓力」吧。遊戲結束時,Bosco更加公然笑指王浩信背後有「波印」,喘晒氣嘅王浩信笑說:「多謝智雯份生日禮物。」原來今日係佢三十歲牛一,一眾演員仲同佢齊齊切蛋糕慶祝添!王浩信話預先同老婆陳自瑤慶祝咗,今日會工作中度過,佢話:「今年生日最大驚喜就係冇驚喜,以前老婆會收埋禮物等我搵,今年就冇。」
事後Bosco笑笑口埋怨三哥苗僑偉冇義氣,只顧跟三嫂去旅行探仔女、拋低一句拜託佢宣傳就走人。Bosco又話,上半年努力賺人仔,下半年將留港拍劇,9月再與三哥合作,又學人做生意、同朋友投資七位數嘅蠔吧將會在九龍區開舖,仲特登向曾志偉及三哥等請教做生意經驗。
準備上馬
上緊
相比萬綺雯同袁偉豪呢pair,王浩信同黃智雯似乎好輪盡…
人家都下馬,你仲未上到?
終於成功喇
王浩信表情似是寫咗四個大字…苦不堪言。
又上馬
唔通,黃智雯真人好重?
黃宗澤笑佢「留波印」——真係有個印!
生日快樂呀「訊號王」﹗