叉燒和鹹酸菜，兩種食物看似平凡，但非常有內涵。正好比喻金剛和小儀，雖然其貌不揚，卻是搞笑高手。兩人合拍《街坊廚神》人氣急升，不但帶挈工作接踵而來，更嚐盡香港地道美食，大飽口福。金剛那半鹹淡廣東話，與小儀的滑稽長相，已彷彿成為他們的標記，無意改變。

無綫節目《街坊廚神》中兩位主持金剛和小儀成為新一代食神，在節目中以全神貫注姿態介紹香港地道美食，更會直擊廚房一同跟師傅炮製食物，令觀眾口水垂滴，尤其是金剛半鹹淡廣東話加上小儀鬼馬演繹，令節目廣受大眾歡迎，二人也坦言沒有想過合作會有這樣的火花。

小儀和金剛在《街坊廚神》中的生鬼表現，成為新一代食神。
攝影：仇志德

人氣急升的小儀和金剛日前踩落鬧市嘆小食。

小儀甚受男觀眾歡迎，不時獲邀合照。

二人近日因節目人氣急升，在鬧巿期間金剛和小儀不費吹灰之力便可與檔主打成一片，不少店主看到二人大駕光臨，即時免費送上美食，又稱讚他們靚仔靚女，難怪二人說：「近日多咗人搵影相同工作，但錢就冇乜點賺，賺得最多咪俾人讚靚仔靚女囉，我哋又平又實用 o架。」

名草有主的金剛與女粉絲合照時表現拘謹。

兩人表情多多，連店員都被他們逗到笑不停。

互補不足處

小儀滑稽長相和金剛的半鹹淡廣東話已成為其標記。

有街坊讚小儀靚女時，金剛在旁抵死的說：「梗係啦，佢整容 o架喎。」令人捧腹大笑，街坊們即八卦她是否整容，小儀澄清：「我得眼睫毛係假，全身都真 o架。」事後小儀表示並不介意，金剛則說：「整唔會整到咁啦，你 cute啲，可以整 sexy啲。」
金剛在節目中的半鹹淡廣東話成為他與小儀合作的笑料，經常發錯音似廣東話粗口，只是在螢光幕上經過刪剪才沒有出街，小儀說：「『試食』佢只講到『食食』，『炒膏蟹』佢就講『炒Ｘ蟹』，『好腍』就講『好冧』，好多諧音笑料，我會糾正佢。」同樣小儀的國語也被金剛形容很爛，記得其中一集金剛介紹台灣人叫沙律醬的廣東話叫「美乃滋」，令小儀莫名其妙猜不到，後來經解釋後才知道真正意思，金剛表示自己有努力練廣東話，但如果將口音完全糾正，觀眾又未必受落，還是想保留一點半鹹淡廣東話作風。

幸福齊增磅

小儀和金剛在《街坊廚神》爆出火花，合作大受歡迎。

合作拍攝後，二人方知大家飲食喜好大同小異，喜歡吃一點點辣，同樣又不吃羊，此時二人即合拍地說出對方不喜歡吃的食物，小儀說：「佢唔食蝦，因為會敏感。」金剛說：「佢唔鍾意食魚。」兩人看來十分了解對方，但大家異口同聲是愛品嚐美食之人，曾試過為了拍攝一日食十幾廿餐，食到嘔，齊齊增磅發福，金剛說：「我本身有六塊雞（指肌肉），家變成團結一塊雞。」

叉燒鹹菜論

兩位愛吃之人又以叉燒和鹹酸菜形容對方，同樣笑料十足，金剛說：「小儀就似嚿叉燒，表面紅紅哋冇乜特別，但好嘅叉燒要切開嚟先知，嗰種 bling bling同 juicy就好似小儀咁，內裏係好好的。」小儀則說：「金剛似鹹酸菜，第一佢好鹹濕，要夠鹹夠濕，佢認 o架，食鹹酸菜呢種味道唔鹹唔好味，因為經過長年累月醃製出嚟，就好似睇金剛拍嘢越來越好睇，有唔同性格發揮一樣，真係多面睇。」

盼移師台灣

食盡百般美食的小儀和金剛曾因日食多餐而食到嘔。

二人已完成了《街坊廚神》 29集拍攝，曾向監製反映可將節目移師到台灣，金剛曾在台灣主持飲食節目，但他認為台灣飲食節目較香港製作空間大，他說：「台灣嘅節目始終放好多，香港有好多吹水嘢出唔到街，而台灣係可以，所以氣氛會更加好笑，我都同監製講想去台灣拍多輯，到時我可以帶大家去搵美食。」

過江龍　名 DJ　命中注定

金剛和小儀分別挾台灣過江龍和電台 DJ之名發展，最合拍的莫過於是營造搞笑輕鬆氣氛，論外表，兩人無論如何未稱得上是郎才女貌，但各有專長發揮。
小儀早年由 DJ轉型為藝人身份，參與不少無綫節目及劇集演出，箇中改變是她也意想不到的，小儀說：「近年好多 DJ都唔同咗，我覺得自己好好彩，又同森美合作主持好多節目，又有舞台劇，呢啲對我嚟講係禮物。」金剛又搞爛 gag說：「小儀係最靚女 DJ，唔係最紅女 DJ。」

年屆三十的金剛，視現任女友為結婚對象。

主持獎門人，是令金剛入屋的重要一步。

在 TVB8主持《娛樂金剛圈》，累積觀眾緣。

和森美在商台合作無間，小儀想不到可以獨闖世界。

恐怕小儀以前從沒想過會晒腰做瘦身產品代言人。

小儀在電視圈找到另一片天，夥拍不少型男。
黃宗澤（圖左）

金剛擬成家

金剛則由台灣轉戰香港，近年獲無綫安排不少主持工作，雖然操半鹹淡廣東話，但已成為他的標記，搞氣氛對金剛而言就像自然流露一樣，相信在情場上口甜舌滑冧盡不少女士，他卻強調對現時異地戀女友十分專一，還說：「我對女友好專一又嚴謹，如果唔想同佢長遠就唔會理咁多，女仔係需要保護，自己都 30歲，差唔多要成家立室時候，現時女友係結婚對象。」