呂慧儀早前話發現老公黃文迪（Dickson）Instagram無端放咗張同一個「黑甲油」女人車廂拖手嘅相，搞到呂慧儀嬲爆喺微博話:「我想來想去都想不到我甚麼時候塗過黑色甲油，黃文廸你是否記錯了？」

然後有網民就眼利發現，Dickson 6月出席時裝活動時，就同搽上黑色指甲油嘅傅嘉莉（Kelly）以及另外兩名男子合照，傅嘉莉仲喺微博寫道:「其中一位是我入行以來非常尊敬的前輩。」

據知呂慧儀出嫁，Kelly仲做姊妹，佢噚日喺電話就否認係「黑甲油」女主角：「張相會唔會係鏡頭錯位咋？話我係第三者係超級絕對冇可能，我哋返公司會見面，但冇私下出嚟。」前晚佢出席汽車活動，又係咁啱搽咗黑甲油，佢話:「個個女仔都有機會搽黑色，我成日轉色o架！」

呂慧儀噚日更新微博話：「我會好好的，別擔心。他說手也不是他的，我會相信他……今天生病了，我要倒頭大睡去了。 」記者再致電呂慧儀，佢就否認激到病話：「佢仲話我豬，連佢隻手都唔認得？我問佢做乜唔回我微博，好似作賊心虛，佢話太忙冇睇，仲話冇我同佢拖手相，所以借其他人相嚟用。」點解兩公婆，唔正面問，要喺網上問嚟問去咁怪嘅?

有網民懷疑「黑甲油」係Kelly，呂慧儀諗咗下話：「唔係呀？以前同一間model公司，覺得佢幾靚女，等我睇真啲係咪我老公隻手先！」

呂慧儀傳婚變，傅嘉莉竟捲入其中。6月時Kelly同Dickson合照，當時佢搽咗黑色指甲油。

不過呂慧儀又話Dickson話相入面隻手唔係佢嚟喎。

黑甲油原圖

見到老公po張拖黑指甲女照，呂慧儀話唔記得自己幾時搽過黑色指甲油，其實上年已經有搽啦。