藝人林子善早前喺微博上載爆肌相，好評如潮，反應咁好，又嚟料先！佢再次貼上騷肌照，並且多謝幫佢練得一副好身型嘅教練：「多得咁多位MTS教練同老闆教導同愛護還有舒適的環境，才令我變成這樣，新嘅一年我們一起加油一起努力。」就連同樣擁有好身型嘅王浩信都大讚佢，林子善記得要好好Keep住副好body啦！

自從去年張家輝喺《激戰》狂騷朱古力肌贏盡掌聲後，掀起一片操肌熱潮，唔少圈中男星都密密做gym及跑步keep fit，好似關楚耀﹑梁烈唯﹑王浩信及袁偉豪等等，都先後變身肌男。

至於外號「洪爺」嘅藝人林子善，都加入「爆肌一族」，前日佢喺微博貼爆肌照，狂晒結實腹肌及人魚線，man到爆，佢喺微博留言：「不求與人相比，只求超越自己，來目標不遠了ha ha ha yeah….」

林子善受訪時表示，花半年時間，由168磅肥仔變身做筋肉人，激減26磅至142磅，對於各界反應如此好，他大表感謝，談到他操肌的主因，子善表示：「我最想帶出一個正面訊息，就係希望大家唔好再睇小或者用難聽嘅說話去奚落任何肥或瘦嘅人，唔好用外表去衡量一個人，應多給正能量予身邊嘅人，我之前就係因為畀人笑肥仔，令我決心操弗自己，想勉勵別人，只要有心一定做得到！」