苟芸慧同林穎彤今日喺屯門出席活動,依家拍緊《飛虎2》嘅苟姑娘,原來已經有兩、三年冇返加拿大見屋企人,所以佢話拍完劇之後,想向公司請假一個月。講到緋聞男友郭富城又有「新城嫂」,作為「舊城嫂」嘅佢身價自然下降,苟姑娘話:「我影響唔大,我主要係拍劇,有糧出。」
講到苟姑娘喺新劇《情逆三世緣》要配音,當然令人聯想係因為佢一口「鄉音」出事啦!今日佢就解釋話,係監製覺得佢講對白唔夠惡,雖然Bobby同袁偉豪有教苟姑娘講粗口,等佢可以惡啲,不過效果未如理想,最終要配音,苟姑娘都話有啲失望,但佢覺得學講粗口都係好事,可以有氣勢啲,仲唔怕會影響女神形象添。
另外,由於陳靜突然宣佈息影,令苟芸慧工作都受影響,因為佢有份拍新戲《重口味》,依,有指宣傳重點都落喺苟姑娘身上,佢話呢啲都係等公司安排。
苟芸慧喺入劇要搵人配音,但佢話係因為自己講嘢唔夠惡喎。