郭富城熊黛林分手 苟芸慧含淚否認是小三:我好難受

郭富城、熊黛林(Lynn)分手,矛頭直指係同城城拍PCCW廣告而撻著嘅苟芸慧。今日有報道話,苟姑娘日前(16號)被問到回應時,表現狀甚輕鬆咁話﹕「叫小美安慰囉!」問佢會否同城城發展,佢就話﹕「我咪同TVB發展緊囉﹗」

不過,今日報道一出,大字標題﹕「苟芸慧『界』入郭富城 熊黛林:唔會再忍!」,傳是小三的苟芸慧出席無綫劇《金枝慾孽貳》記者會時,即遭到記者圍訪,苟姑娘否認小三同時,全程強忍淚水,狀甚委屈,需要停止訪問,期間還要求傳媒幫她澄清並未有介入城城與熊黛林之間:

記:記者 苟:苟芸慧
記:知唔知富黛戀分手?
苟:知道,今朝公司俾我睇(開始嗚咽),唔開心,因為呢件事唔開心。我都冇做過,唔係事實俾人咁寫,自己好難受。請你幫我寫事實出嚟。

記:事實係乜?
苟:我唔係佢哋講嘅小三。

記:有冇同城城聯絡?
苟:我每日都真係做嘢,工作上都見我每日好專心。(私下聯絡?),一直都冇。(睇演唱會會都冇?)冇!

記:有冇諗過同城城發展?
苟:除咗做嘢之外,其他嘢唔會諗,真係甩拖會考慮?我諗暫時無機會,依家做嘢為主,好明顯以事業行先,做好自己嘅嘢。希望觀眾留意到我嘅進步,明白大家做嘢,但俾人咁寫,真係好難受(開始想哭)

記:報道話熊黛林唔想再忍喎?
苟:我明白做一個女人嘅感覺,好無奈俾人咁寫,真係望你哋寫出嚟。

記:城城同熊黛林結束七年情,是否可惜?
苟:我嚟香港三四年,唔知發生乜嘢事,係佢兩個人嘅事,唔可以幫佢哋回應。

記:網民話你係小三?(此時苟姑娘已經眼濕濕)
苟:麻煩你哋寫清楚(有冇)唔開心喊?其實夠啦……

講完之後苟姑娘即轉身喊住走,之後出席《金枝慾孽II》宣傳,同台上同演員大合照,眾人笑晒,但苟姑娘就明顯冇乜表情。

被指是郭富城熊黛林分手小三 苟芸慧含淚回應:我好難受


上次苟姑娘回應有報道話佢同謝天華車震,澄清時哭得梨花帶雨。(資料圖片)

一開始笑晒

開始凝重

好想解釋

儲定眼淚

強忍?

一滴淚光

抿唇

通常女人做呢個動作,就表示…佢想喊。