郭羨妮提溫兆倫勞氣
2010年05月03日 (06:55 pm)

郭羨妮今日在電視城開工，提到有周刊指她和前男友溫兆倫「翻撻」。

郭羨妮勞氣地說：「我好嬲呀！佢哋話我同溫生成日聯絡，又話佢「翻撻」我，根本冇咁嘅事，我哋 5年前性格不合分手，大家都明白乜嘢事，我哋只係朋友，最多一年聯絡 2次，我家冇人追、冇拍拖，但係生活得好開心，所以我會研究吓，保留追究嘅權利。」

郭羨妮：沒可能與溫兆倫復合
【21:09】2010年05月03日

郭羨妮到將軍澳電視城開工，對於有傳她與舊男友溫兆倫愛火重燃之事，郭羨妮斬釘截鐵否認其事，指報道失實，她雖然與溫兆倫分手後有保持聯絡，但至今也沒有再見過面，兩人只是朋友關係，加上對方亦有女朋友，她們沒可能復合。

郭羨妮否認與溫兆倫復合。

郭羨妮堅拒與溫兆倫復合
2010-05-03 (21:19)

郭羨妮（Sonija）與溫兆倫當年因性格不合而分手，近日有報導指溫兆倫不忿當年被「飛」，在博客寫了一篇文章表示不會忘記「她」，似有意翻撻郭羨妮。Sonija返無綫開工時，坦言對報導感到憤怒，稱與溫兆倫分手五年沒有見面，更強調沒可能復合。她又透露現時沒有追求者，希望專心工作好好過活，對失實的報導不排除採取法律追究。

溫兆倫否認翻撻郭羨妮

溫兆倫日前在Blog上表達難忘「她」的「可愛」而被指「翻撻」舊情人郭羨妮，兩人分別表示為報道氣憤，但各有說法，口供不夾。女方稱雙方一年有一、兩次電話聯絡，但男方聲言沒有，指「有人」講大話。

返電視城開工的Sonija被記者追訪，她再澄清與溫兆倫沒有機會翻撻。

郭羨妮（Sonija）與溫兆倫於02年合作無綫劇《牛郎織女》而譜出的「菠蘿包之戀」兩年便告終。日前溫於他的Blog上表達難忘「她」的「可愛」之情，經常夢見「她」而被指「翻撻」Sonija，報道更指Sonija說溫經常打電話給她，另報道亦指他最近來港買Benz。

叫魔鬼停止作孽

身在內地拍廣告的溫兆倫接受長途電話訪問，承認是來了香港買兩部Benz，鼓勵自己之餘亦用作送給居於香港的女友Winnie，但就「翻撻」Sonija一事，他卻矢口否認：「呢幾年冇打過畀佢，（Sonija話你成日打畀佢？）有人講大話，（二人仲係朋友？）朋友可以做，但真係冇聯絡，（Blog上傳情？）一定唔係講佢，係講潘星誼（內地女星），對方意外身亡，佢係我哋經理人公司捧出嚟嘅人，諗起佢心情難過，但有人歪曲件事，最近有賑災，災民冇飯開，仲做啲無聊事，叫啲魔鬼快啲停止作孽，唔係就落地獄。」

擔心別人有聯想

不過，準備返電視城為《隔離七日情》開工的Sonija，接過記者電話時非常勞氣：「我冇講『佢成日打畀我』，好離譜！佢個Blog寫嘅嘢係好耐之前嘅事，係fans話我知，我都擔心畀人聯想其他嘢，我親自打電話問佢，佢都話唔係講我，咁OK啦，其實分手亦是朋友，但我哋冇再見 面，一年都可能有一、兩次電話聯絡。」

當Sonija返到電視城後再被記者追訪，她繼續就事件回應：「佢冇話想追我，我亦冇諗過同佢一齊，佢有女友，但都祝佢幸福快樂。」