慘遭出賣貴婦成怨婦 葉童怒揭劉松仁陰私

葉童坦言以前時常把自己跟人比較,總覺得際遇不如人而自尋煩惱。

葉童坦言以前時常把自己跟人比較,總覺得際遇不如人而自尋煩惱。

葉童自從入行以來星途順暢,憑型格演繹兩度獲封香港金像影后,不過事業順遂並未能令她開懷,葉童坦言曾因太執着而不開心,故她演繹《摘星之旅》中幸福貴婦鄭明珠,因知道丈夫劉松仁的秘密而慘成怨婦時,也同情明珠太執着。

在無綫劇集《摘星之旅》中,飾演富商海亮(劉松仁)太太鄭明珠的葉童,本來有一個幸福的家庭,丈夫劉松仁對她呵護備至,囡囡梁靖琪與她關係甚佳,但因為知道丈夫一個天大的秘密後,隨即變成一個充滿仇恨的女人。

一向被公認演技派的葉童在《摘星之旅》中與劉松仁鬥好戲。劇照

一向被公認演技派的葉童在《摘星之旅》中與劉松仁鬥好戲。劇照

葉童在接受訪問時,為吸引觀眾追看劇集,怎也不肯爆劉松仁的秘密。

葉童在接受訪問時,為吸引觀眾追看劇集,怎也不肯爆劉松仁的秘密。

自恃精明增誤會

早前在尖沙嘴接受訪問的葉童堅持不透露劇情,她說:「今次拍得開心,呢個劇可以發揮我嘅所長,所以我都好期望 o架。喺部劇入面我以為自己好精明,但原來處理感情問題一啲都唔精明,加上又聽埋身邊啲小人去講是講非,更加加深咗啲誤會。」
假如現實生活遇到同類的問題會怎解決?葉童笑說:「嗰種俾人出賣嘅感覺,真係令人做好多愚蠢嘅事,我覺得應該畀個機會佢解釋。」她更有感而發地說:「做人點解會咁唔開心?其實係因為人太執着,成日要以自己行先,要以自己為主。做人係好大嘅學問,如果可以唔咁執着,期望要求越少,做人都會開心啲。」

生活簡單最開心

這是否葉童的生活格言?她笑說:「以前我成日覺得點解呢個角色唔係我做?點解又冇嗰啲明星咁好際遇?跟住我又會諗我都有呢個本事,如果由我做會更加紅。嗰陣我唔覺得自己開心,但係家經歷多咗,會覺得點解要成日同人哋比較?每個人都有自己際遇,開心同唔開心都好簡單,只係視乎你自己點去選擇。」
撰文:何慧斯 攝影:仇志德
場地提供: Gateway Hotel