《大時代》裡，「玲姐」命途多舛，現實中，「靚絕五台山」的藍潔瑛，也經歷了很多。關於她的故事，篇幅越編越離奇。近年的藍潔瑛，健康出了岔子，令人擔心。

久未接受訪問的藍潔瑛，破天荒接受nowTV《102觀星總部》梁榮忠訪問，宣傳片段今晚推出。只見明顯染回了黑髮的藍潔瑛，化了靚妝，set了頭，身穿白衣，精神不俗。

對被封「靚絕五台山」，藍潔瑛說：「係靚就靚，做咩要『絕』啫，講靚，我就真係唔算靚喇，我覺得關之琳、李嘉欣嗰啲就好靚啦。」訪問將於下周一推出。

藍潔瑛罕有接受訪問 (nowTV《102觀星總部》圖片)

片段中，藍潔瑛思路清晰，而且對於29歲那年拍《大時代》的心情想法，仍然印象深刻，她說：「最記得拍完，以為個角色，尤其係以為做學生妹嗰段好容易做，睇返playback、外景、edit定咩，睇到原來好唔掂。可能髮型、燈光、自己嘅表現，輕視咗以為得，點知睇番，好多過唔到自己嗰關，韋家輝監製俾我再重拍嗰場戲。」

談近況：攞綜援囉 每月借錢解生計

剛度過52歲生日的藍潔瑛，近年已全面停工，有指她生活拮据，獨居赤柱單人公屋，靠綜援金過活，跟家人及圈中人斷絕聯絡。

不過，其實藍潔瑛不時上教堂，與教友聯繫，而且與街坊關係還不錯。早前《大時代》剛重播，藍潔瑛就被拍得在寓所附近閒逛，還有小朋友上前跟她傾偈，更有街坊請她食麥記，逗得藍潔瑛非常開心。

藍潔瑛亦有談及近況，她說：「攞綜援囉，同埋有一個講國語嘅，佢每個月借錢俾我囉。」

藍潔瑛硬朗個性，與玲姐無異。希望你一切安好，念甚。

藍潔瑛罕有接受訪問。(nowTV《102觀星總部》圖片)

(nowTV《102觀星總部》圖片)

(nowTV《102觀星總部》圖片)