一代神劇《大時代》重播，首週焦點當然落在劉松仁同藍潔瑛身上，神級演技遇上神級29歲扮19歲校服look。原來距離首播23年，「新哥」同「玲姐」亦足足23年失聯，新哥仲話好掛住玲姐添！掛住就去搵下人啦，周一(27日)剛滿52歲，現年獨居於赤柱公屋嘅藍潔瑛一個人自由自在，仲乖乖定期返精神科覆診，生活穩定！

上週二(21日)，藍潔瑛獨自到東區醫院精神科覆診，輪症、攞藥付款全程一個人，睇完醫生仲識行埋一邊扯支煙。

拍完《大時代》 23年，藍潔瑛淡出娛樂圈亦有 11年，原來「玲姐」同「新哥」已經 23年冇聯絡。劇照

面書洗版王劉松仁接受訪問，直言：「好掛住佢（藍潔瑛），廿幾年冇見！」

神劇回歸，有份做神劇的台前幕後近日都成為傳媒翻炒目標，「玲姐」藍潔瑛當然亦唔例外。 04年客串亞視劇集《愛在有情天》後淡出，至今已經 11年，學似五台山年代好友鄧萃雯話齋：「唔係人人恨做明星！」連日出入都有傳媒守候，藍潔瑛真係唔多享受。

至於「方進新」劉松仁，原來亦已 23年冇聯絡藍潔瑛，本月 22日出席杜棋峯生日 P，松哥接受訪問，他直言：「好掛住佢，成廿幾年冇聯絡。（知唔知佢病情？）唔知，啲影迷都有問起佢，（玲姐好靚呀。）幾時都咁靚。」

短裙 look
覆診後兩日(23日)，明知有記者守候，藍潔瑛照常出動，還着裙又化埋淡妝，精神不俗。

化淡妝
離開寓所後藍潔瑛在赤柱大街閒坐，有街坊請食 M記餐、又與街坊小孩開心互動，可見她已是多年熟客。

飲住可樂食住煙，藍潔瑛仲好自律，識得用咖啡杯裝煙灰。

「玲姐」：大時代有咩好睇？

《大時代》中玲姐痛失未婚夫、捱大未婚夫四個兒女、被丁蟹糾纏半生最後更慘死，有傳角色坎坷令藍潔瑛難以抽離。

息影 11年、同圈中人不相往來 11年，藍潔瑛雖然攞綜援住公屋，出門亦不刻意打扮，不過連日所見，日子其實過得自由自在，近日出入多了鏡頭伴隨，玲姐警覺性不失當年但仍自顧自他條出門、扯煙搭車、路邊小店坐一陣、又再嘆番罐可樂扯多支煙，一見街坊細路更再現久違了的笑容，坐到太陽落山才打道回府，全程鎮定不被鏡頭影響。原來情緒、精神有好轉，藍潔瑛唔使靠人冇須強逼，上週二(21日)更準時返回東區醫院精神科覆診，診後乖乖排隊繳費攞藥，照顧得自己妥妥當當。談到神劇回歸，仲開埋金口添：「有乜好睇啫？睇咗咁多次！」係嘅係嘅，《大時代》劇情大起大落、「羅慧玲」一生又極坎坷，唔係個個適宜回帶！

玲姐孤伶伶

00年
破產又暴瘦入院，當年有傳邱淑貞、劉德華、曾華倩都曾借錢脫困。

05年
開始靠綜援過活，外形走樣慌失失，盛傳精神欠佳卻不願就醫。

07年
再傳子宮生瘤，要靠粉絲接濟度日，經常漫無目的在街上流連。

09年
元朗、西貢搬完又搬，入住赤柱公屋前情況最壞，曾經踢拖遊蕩老蘭 12粒鐘。