羅樂林一日成名，因為 24小時死了五次，人氣現正極速上升，無論亞洲、美國、澳洲甚至愛沙尼亞和冰島等歐洲小國都連環轉載報道，還極有可能列入健力士世界紀錄大全。他投身演藝界近 40年，是第一代楊過，拍劇多不勝數，在鏡頭前死過無數次，相信沒人猜到，「死」都可以有出頭天，難怪羅樂林說：「非常奇妙！」
現年 63歲的羅樂林講說話無尾音，答問題簡潔精要，沒有廢話，像一個古代豪俠；態度誠懇有禮，又點到即止，絕對不像現時新世代小生，不過 35年前他正是佳視劇集《神鵰俠侶》的第一代楊過。一個偶然機會，命運安排在同一日，播出五部劇集，同一個演員羅樂林以不同形式在劇中「死」，傳統中國人反應是：「好邪呀！」羅樂林日前接受訪問卻說：「真係奇蹟！要夾都未必可以做到，非常奇妙！」
63歲的羅樂林經常做運動，身形仍然很弗，最近他在《女拳》中的打戲也相當有功架。
首代楊過不滿表現
羅樂林 24小時死五次的「死訊」成為熱話，連韓國雅虎網站昨日也有報道，指他專演死亡角色。
有機會打入健力士世界紀錄大全，任何人都會有點飄飄然，偏偏羅樂林一點感覺都沒有，他只喜歡獨來獨往，做一個我行我素的獨行俠，所以他覺得沒甚麼值得高興，他說：「冇乜值得慶祝，冇乜特別。我情緒起伏唔大，我只係知道有好多人打電話畀我做訪問，但我只係想每日開工放工，嚟九龍城飲茶，買餸。」
羅樂林加入娛圈近 40年，拍劇多不勝數，連他自己也不記得數目，他說：「入行接近 40年，我都數唔到自己拍咗幾多部，乜嘢角色都做過，後生時做過楊過。年紀一路大，我冇所謂，乜年紀做乜嘢事，乜階段做乜嘢，家公司叫我做主角，嗰啲工作時間都頂唔順，根本就冇體能做，後生時候做小生主角 OK，中年咪做中生，老年咪做老竇做師傅，唔通呢個年紀做小生，根本冇可能。」雖然不是做主角，羅樂林現在每日都會接兩至三部劇，曾經試過一日拍四、五部。
性格我行我素，對無綫也忠心不二，羅樂林謂因自己不能夠像小龍女一樣，一心二用，他說：「我好似一隻牛咁，你叫我就做，不停做，唔會諗其他嘢，我又唔想轉來轉去咁麻煩，所以咁多年都喺 TVB。」
由小生做到甘草，羅樂林永不言倦，且實而不華。無數人演過楊過，他是第一代楊過，對自己演的楊過，他不太滿意，他說：「做楊過，應該係劉德華，最多人記得，我唔敢評其他人，畀評語大家應該以原作者為準則，當年自己仲細，唔識演，好辛苦，好吃力，加上演戲係要日子，學無止境，就算幾多人讚你做得好，總係有嘢要執，有進步嘅空間，冇人會去到登峯造極，家都一樣，我會盡力演好每個角色。」
戒盡陋習繼續飲酒
羅樂林和陳寶儀的女兒羅苡芝深得父親遺傳，對演戲也有濃厚興趣，正向舞台劇發展。 資料圖片
羅樂林的黃金歲月都待在戲棚裏，他熱愛演戲， 63歲更是永不言休，只要一日做到，他會繼續做戲給大家看，他說：「到你要退時你就要退，你身體會話畀你知，你老到記唔到對白，癡癡呆呆，叫你打又打唔到，你都冇辦法要退，但係如果仲係做到，我一定繼續做。家我乜都戒晒，除咗飲酒，呢樣我唔想戒，人生如果冇晒嗜好，冇晒人生樂趣，好快會完，所以除咗拍戲，我都鍾意飲兩杯，同朋友傾吓開心嘢，有時自己飲吓酒諗吓嘢，呢個就係我的人生。」
40年戲路 18變
入行近 40年的老戲骨羅樂林算是香港電視史上最早期的演員，從演以來做過無數膾炙人口的角色，當中最出色要數在《神鵰俠侶》中扮演英氣非凡的楊過。
72年《年輕人》 初出茅廬
70年加入佳藝電視時，也曾在電影《年輕人》做過綠葉，當年的他眉清目秀、氣宇軒昂，甚有小生相。
76年《神鵰俠侶》 瀟灑楊過
與李通明合演佳視劇集《神鵰俠侶》，是為第一代楊過，當年瘋魔萬千少女。
92年《大時代》 經典股神
「貪心輸錢贏，輸血不輸錢，人人去輸血，殺人不打風……」股神葉天的「股票必勝法」蔚為經典。
93年《馬場大亨》 狂妄大亨
羅樂林戲路甚廣，忠奸得宜，在《馬場大亨》中扮演罹患癌症的殯儀業巨子，將角色的狂妄充份演繹出來。
2011年《點解阿 Sir係阿 Sir》 不死之作
羅樂林自言經常在劇集中死去，新作《點解阿 Sir係阿 Sir》是喜劇，終於大難不死。