「程至美」情路不美 吳啟華認衰:負咗好多人!

提到吳啟華給人最深刻的印象,必定最先浮現「程至美」三個字。憑《妙手仁心》醫生「程至美」一角走紅,文質彬彬、感情專一形象深入民心,旋即成為當紅小生,一時間名成利就。然而背負住「至善至美」形象的啟華,實非完人,現實中他多情、優柔寡斷,令他受「情障」困擾,經歷多番波折。此刻回首,啟華承認做過不少錯事:「真係負咗好多人!」

親揭「召妓」真相

曾歷失敗婚姻的吳啟華,1983年考入第12期無綫電視藝員訓練班後,發展一直浮浮沉沉。1998年,終能搭上他的「破冰船」,開闢出一片新天。啟華遇上《妙手仁心》的醫生「程至美」角色,其專業、情深的討好角色,盡洗過去演反派的形象。

由此開始,啟華可説與醫生角色盡上等號,亦令當時34歲的他攀上事業高峰,獲「師奶殺手」美譽。雖然成功「洗底」,現實中的他在感情上卻優柔寡斷、心軟性格,在婚姻失敗中未有吸取經驗和教訓,令他再次陷入感情絕谷。但是,再次觸瞧的啟華,這次賠上的卻是辛苦建立、得來不易的事業及正面形象。

2002年,啟華遇上年輕15載的羅泳嫻,二人因合作劇集《黑夜彩虹》而撻着。日對夜對,而且自言容易動情的啟華,對羅泳嫻發動攻勢,對方即被文質彬杉的他俘虜,可惜易愛易變的啟華於短短一年後即覺得彼此不合適,想分手又難以啟齒而用了「拖字訣」。二人感情呈膠着狀態,翌年啟華更被爆北上尋歡,在北京深夜召妓「一拖三」的新聞,即時令形象「插水」。

當年啟華背負「召妓藝人」惡名,一度抗拒傳媒,連身邊女伴是不是妓女亦從未解畫。如今已隔十年,事過境遷,他亦已成為有妻有女的住家男人,無論生活及心態都穩定過來,回首從前,啟華娓娓道出當年真相!

「當佢女友咁去溝o架」

啟華以堅定口吻説:「人哋唔係『雞』,我係當佢女朋友咁去溝o架!」當年遭誣衊的他直言嬲爆,新歡被冠以不雅之名,剛開始的感情當然不歡而散。啟華自認當年其實是背着當時的女友羅泳嫻一腳踏兩船,並繼續揭露當年真相:「人哋有名有姓叫任玉民,其實佢只係場內一個DJ,陪我玩骰盅、唱歌。」他直言被對方性格吸引:「佢幾Nice,咪追囉!後來畀記者影咗,話我一拖三,其實由頭到尾我只對住佢一個,另外兩個係其他朋友嘅朋友,我哋去消夜,一齊上車,記者冇影其他人啫!點知消夜店收咗,咪索性上房叫Room Service!」

當年看到報道簡直怒髮衝冠,啟華説:「當時真係非常之嬲,仲一竹篙打一船人,嬲晒所有傳媒,同個女仔當然「禍咗」,佢畀人唱都唔開心,雖然冇怪我,但我唔好意思。」面對追訪,當年盛怒的他選擇不聞不答,但留在港等待他的,正是獨自面對傳媒追訪的羅泳嫻。此事令啟華於心有愧,亦令他重新回首過去的情路,包括第一段失敗婚姻的往事。

錯誤關係進婚場

回想初入行,啟華屢被安排反派角色,更因演技出色而被「定型」,經典反派如周星馳電影《九品芝麻官》中的方唐鏡,但一個又一個的反派角色令他日漸生厭。但要數對他「傷害」最深的,應是接拍三級片《玉蒲團之偷情寶鑒》,成為他不可磨滅的烙印。事業失意時,啟華人生中的女角開始相繼出現,他亦在27歲時經歷第一段婚姻。啟華首任妻子是到泰國旅行時一見鍾情的泰國富家女,事隔廿多年,他認為當年結婚「很錯」,簡直是鹵莽決定。

「去泰國識咗個女仔,拍一年拖,激情過咗,又覺麻麻,都有諗同佢結婚,但大家傾唔到偈。我又衰,講唔出傷害佢嘅説話,關係膠着。」憶述當年情的啟華自認年少時感情豐富,很容易愛上人,但畢竟「多情」就是「花心j ,他心軟濫好人的性格,很多時反而令更多人受傷。「當年咁啱我接咗電影《阮玲玉》去上海開工,又撻着咗個女仔,嗰時未同泰女友分手……」但他竟準備與新相識的上海女子結婚,連與他合作電影的導演關錦鵬及演員張曼玉都被嚇一跳。然而,他最終在電話向泰女友「攤牌」,但對方苦苦哀求,他又心軟。

受情困「求其」娶泰女

當時,啟華嚇見泰女友因情暴瘦,三心兩意的他又狠不下心,這邊廂舊愛難捨,那邊廂新歡即因愛成恨。「泰國妹走去同上海妹講,話我唔會同佢結婚,上海妹即刻反面,話會同上海記者講我吸毒、叫雞!眼前兩個女仔,一個分手最多係唔食唔瞓,另一個竟然想整死我?」體驗到辛辣教訓,啟華萬念俱灰決定與上海新歡劃清界線,選擇投入為他飽歷情傷的泰國女友身上:「嗰時諗,搞到咁不如算啦……我連戲都唔拍,求其同咗泰國妹結婚,曾經想喺泰國搞火鍋店,但文件、合約都係泰文,同老婆又因言語溝通唔好,我哋只係頭半年住埋一齊,之後分隔兩地,呢段唔理智嘅婚姻只係維持五年就完結。」

往日情不堪回首

憶述當年第一次婚姻失敗,再回想有負羅泳嫻之事,啟華難免汗顏,在為短暫情緣的DJ任玉民澄清身份的同時,沉思在回憶中的他對羅泳嫻亦深感歉疚,坦言當年辜負了對方:「知佢結咗婚,我哋冇聯絡啦話!其實都覺得幾對佢唔住,要佢面對啲咁嘅嘢!喺咁多女朋友中,我真係負咗佢,亦都負咗好多人!」感情多次失足,甚至鬧出負面新聞,導致啟華一鋪清袋。痛定思痛的啟華亦終於真正成長,學懂「愛」。

過去處處桃花,啟華不堪回首:「以前做咗唔少錯事,邊啲就唔講啦,算罷啦!」失意中他終於了解「吳啟華」:「拍拖成日失敗,後嚟諗番,覺得太衝動,未確定關係就行動,鍾意就追,我真係好易鍾意人,一拍拖就好投入,但了解咗覺得唔適合,又唔知點開口,好多時為咗責任拖住個女仔,諗番真係傻,其實要一段關係保持得好、長久,係高深學問。」

花弗變住家男

情路兜轉,事業受重挫,帶啟華走出陰霾的,仍然與《妙手》有關,正確來説,是《妙手》監製鄧特希。當年,鄧特希為啟華帶來了「程至美」,2004年,更為啟華帶來一生所愛。

對於伯樂鄧特希,啟華充滿敬意:「冇佢就冇我呢一日,佢亦間接令我同太太(內地演員石洋子)認識。當時拍佢監製嘅《上海灘之俠醫傳奇》,雖然同太太少對手戲,但飾演護士嘅佢係鄧特希好好嘅朋友,所以成日嚟探班,我同太太就係咁相識。」這次啟華再墮愛河,不同的是,他不再是易愛易厭,與石洋子並肩走過三年後,一同踏進教堂,並在2008年誕下女兒。啟華亦變成好老公、好爸爸,成了住家男人的他為囡囡戒煙戒酒,更為家庭選擇在北京落地生根,他説:「太太同囡囡喺北京生活已經安定,而且太太喺長春多朋友,囡囡又係岳母照顧,岳母又冇可能搬嚟香港,佢哋冇可能跟我四處去。」世上一生為「情」字兜轉起跌,絕對不只是啟華一人,他將過去的經驗一一沉澱,縱有悔恨歉疚,由它成為探索未來的警醒。錯過、跌過、痛過的經驗,令啟華從「愛」學習,不斷成長!

吳啟華優柔寡斷,似足自己飾演的《倚天屠龍記》張無忌角色,辜負了不少女人,其中一個是羅泳嫻(右下)
吳啟華優柔寡斷,似足自己飾演的《倚天屠龍記》張無忌角色,辜負了不少女人,其中一個是羅泳嫻(右下)

「舊愛」羅泳嫻:成長肯承檐

貫徹啟華的性格,他2002年戀上同劇拍檔、當時還是演小角色的羅泳嫻。但2003年尾因啟華發生「一拖三」事件,女方與他劃清界線分手收場。

十年後過去,啟華因負了她而愧疚,但已嫁為人妻的羅泳嫻坦言已走出陰霾:「當年呢件事非常負面,往後我演出要見報都總係冠上『吳啟華舊愛』之名,覺得幾慘,係扼殺咗我嘅努力付出,直至演《心戰》一個臥底女警妓女角色被賞識,算係吐咗口烏氣!(啟華對你唔住?)過咗咁耐,佢依家大個仔,肯承擔又有老婆同做咗爸爸,我都祝福佢!」

吳啟華情史,十段情 見一個追一個 「程至美」情路不美 吳啟華認衰:負咗好多人!