樂瞳出碟無期寸星煥 薛凱琪否認同TVB不和

樂瞳寸爆星煥

薛凱琪(Fiona)同樂瞳等,噚晚到將軍澳電視廣播城錄影《勁歌金曲》,近日傳因唱片公司星煥國際老闆錫晒鍾嘉欣,結果激走江若琳,屬同一公司嘅樂瞳講到呢單是非,佢話:「我唔覺公司只係錫晒嘉欣,安排得都幾好。」

不過講開又講,原來樂瞳當日同星煥簽咗兩年,依家淨番半年約,公司原定今年初為佢出碟,點知一拖再拖,佢笑笑口話:「唱片封套都影咗一段時間,我都怕真係出時個樣有啲唔同。」樂瞳呢番話,似乎有弦外之音喎,老闆收到未?


樂瞳其實係歌手出道o架…..

薛凱琪黃柏高否認與TVB不和

早前薛凱琪師妹J.Arie被飛出TVB慈善節目,薛凱琪也跟隨辭演,有傳令其唱片公司太陽娛樂與TVB關係交惡。薛凱琪認為關係沒有變差,公司與TVB沒有不和,當日原定與J.Arie合作表演,但因有調動難以及時準備轉為個人演出才作出辭演。黃柏高也強調與TVB沒有鬧得不愉快,也明白TVB抽起J.Arie的舉動,日後會再為歌手爭取在大騷中演出。


同Paco關係好


Fiona


見親陳明恩都好有精力….


藍亦邦

謝安琪
女神Kay