無綫好多劇集都鍾意「循環再用」，好多時會喺唔同劇入面，用到相同嘅演員，李國麟就出現前日大結局嘅《神鎗狙擊》，但同時佢亦喺《巨輪》有份演出。其實除咗演員外，道具都有同樣情況出現，咁啱又係《神》同《巨》，《神鎗狙擊》有一集曾經出現咗《巨輪》入面羅信記嘅紙皮箱。
不過講到無綫劇集出現過好多次嘅嘢，就一定係呢個「BB 100」嘅車牌。「BB 100」呢個車牌出現喺唔同年代，掛喺唔同車款上。比較新近嘅就係《衝上雲霄II》入面，張智霖揸嗰架靚車嘅車牌就係「BB 100」；
而張智霖曾主演嘅《水滸無間道》（有黎姿同王喜演出啊﹗），都出現過「BB 100」車牌。
另外《好心作怪》裡面，萬綺雯揸嗰架車嘅車牌都係BB100、《絕代商驕》許紹雄嘅車牌都係「BB100」，仲有《有營煮婦》﹑《結．分@謊情式》﹑《老表, 你好嘢!》，甚至係《尋秦記》都有呀。
當中有啲例子係比較有趣，好似喺 《巴不得爸爸…》裡面都有「BB 100」車牌出現，但劇入面年代背景係喺六十年代，冇錯！喺六十年代已經出現咗「BB 100」呢個車牌，即係話呢個車牌已經出現逾半個世紀。據聞嚟緊嘅無綫新劇《使徒行者》都會出現「BB 100」，哇﹗真係一個跨時代嘅巧合。
「BB 100」呢個車牌，可以出現係咁多劇集內，都算係一個「傳奇」車牌。
《水滸無間道》張智霖先講咗句同「BB 100 」有關嘅對白。
之後「BB 100 」就出現喇。
《尋秦記》第一集，李小超嘅車牌都係「BB 100 」。
《衝上雲霄II》嘅「BB 100 」大家應該好有印象。
《絕代商驕》都有出現。
都係《絕代商驕》。
《好心作怪》
《老表, 你好嘢!》
《巴不得爸爸…》都有，背景係六十年代。
《有營煮婦》