就快33歲嘅黎諾懿，今日聯同朱慧敏、蔣家旻等一眾《愛‧回家》演員，喺油塘出席母親節活動，諾懿表示前晚已跟媽媽食飯慶祝母親節，噚日就親自下廚同女友母親一同慶祝，行外母政策喎！

如題所述，今日黎諾懿公佈喜訊，佢話拍完呢個劇之後，就會迎娶家族資產逾億嘅女友李潔瑩（Nicole），認真雙喜臨門。諾懿話﹕「想有充足嘅時間，唔怕再加集數，因為結婚都要籌備，同女友有共識，依家努力儲錢先。」

黎諾懿女友李潔瑩(Nicole)為落選港姐，任職家族生意嘅美容集團總經理一職，家族資產逾億。佢本人畢業於澳洲新南威爾斯大學，07年返港參選港姐，以34C激凸身材打入決賽，不過輸咗俾當年冠軍——張嘉兒，三甲不入。落選翌年，Nicole加入老爸李志強投資嘅美容公司任職總經理，打理旗下嘅纖體美容中心，截至去年底，總共有18間分店，真係來頭不小！

至於黎諾懿，入行接近九年，事業一直浮浮沉沉，近年終擔正處境劇《愛．回家》叫做稍有起色，而感情方面就同過楊怡、蒙嘉慧、傅穎及陳庭欣等傳過緋聞。12年初，黎諾懿被拍到經常出入楊怡嘅將軍澳中心香閨，車位共用，三年地下情曝光。不過，11年6月楊怡拍《On Call 36小時》搭上羅仲謙，之後黎諾懿被飛後即搭上現任女友Nicole。有傳佢哋嘅媒人係同Nicole同屆嘅港姐亞軍王君馨，至今同女友拍拖接近兩年，感情穩定。

雖然諾懿話拍晒套劇後就會娶女友，不過加到500集，o依家先300集，仲有200百集，唔知要拍幾耐呢？

李潔瑩孖黎諾懿成日拍住拖出動睇演唱會，女方仲係王馨平fans，之前特地去捧場添。(資料圖片)

呢次又係去睇騷，仲遇上鍾嘉欣BB添﹗(資料圖片)

公眾場所都咁癡纏，黎諾懿完全唔怕fans呷醋。(資料圖片)

shoppin買餸煮飯仔，共度二人世界。(資料圖片)