蹺實富貴猛男斷正 李詩韻甜笑認拍拖

李詩韻今日凌晨被影到現身中環,當時佢係蹺住一名西裝男,由置地廣場行去雪廠街,然後上車,駛至西半山第三街附近,司機就發現有記者追訪。

去到紅燈位停車,李詩韻落車發忟憎,表示行返屋企,並向記者話:「你哋唔好咁樣啦,你哋已經令到我好辛苦。」可能李詩韻驚嚇親西裝男,所以先至有呢個反應。

今日下午2點幾,李詩韻喺微博貼一張笑到四萬咁口、捧住大一紮花嘅相,公開承認戀情謂:「桃花有個好老公,我也終於找到一個很疼我的人!感覺很幸福!希望大家可以給我們一點空間發展。可以幸福快樂!多謝大家對我感情生活的關心!」恭喜晒女神搵到另一半,今晚七夕,更加甜蜜蜜啦!

蹺西裝男潘樹維斷正 李詩韻凌晨發脾氣 下午甜笑認拍拖

根據汽車登記車主紀錄顯示,該車登記車主是名為「人利是國際有限公司」的私人公司,,於2004年以位於鴨脷洲的公司名義購入,當年價值約55萬元,而公司只有一名董事為潘樹維(Christopher Hodgson),家住半山列堤頓道過千萬的豪宅,是香港潛水總會董事局成員,職位為海洋科學委員會委員長。