李天翔無懼定型︰我有進步空奸

無綫小花李思欣與男藝員李天翔,因經常合作拍劇而成好友,問到會否因朝夕相對而日久生情?天翔說:「今日唔知聽日事,思欣係一個好乖好叻嘅女仔。」另天翔直言無懼被定型,渴望繼續演奸角。

李天翔和李思欣因合作拍劇而成好友,未知會否成為情侶呢?
李天翔和李思欣因合作拍劇而成好友,未知會否成為情侶呢?

李天翔和李思欣因為合作拍劇而成為好友,兩人於鏡頭前充滿默契,鏡頭後亦談笑風生,不少電視藝員均由同事關係,升呢變成情侶,問天翔會否與思欣擦出愛火?他笑說:「吓?今日唔知聽日事。」而他亦大讚思欣:「佢係一個好乖好叻嘅女仔,好執着每場戲嘅演出,值得去讚同去幫嘅。」

入行多年專演奸角的天翔,曾與無綫花旦如胡定欣及鍾嘉欣等結劇緣,艷福不淺,而他因為奸得出色而為視迷認識,天翔直言渴望繼續演奸角。問到會否「恨」攞電視頒獎禮獎項?天翔說:「隨緣啦,好明白呢行遊戲規則。(怕唔怕定型畀人鬧?)未試過喎,證明我仲有進步空『奸』。」

李思欣直言近年因拍劇和登台而豬籠入水。
李思欣直言近年因拍劇和登台而豬籠入水。
李思欣表示渴望參演時裝劇,任何角色她也想演。
李思欣表示渴望參演時裝劇,任何角色她也想演。

恨演時裝劇

至於去年在人氣劇集《公主嫁到》,飾演五公主一角而備受讚賞的思欣,直言「恨」演時裝劇,她說:「我拍咗好多古裝同民初劇,時裝劇反而唔多。(有古典美?)監製話我唔係呢個朝代嘅人﹗」思欣直言近年因拍劇和登台而豬籠入水,更可一展歌喉,她說:「我都識唱歌,好鍾意王菲同容祖兒,歌喉都OK啦,唔係五音不全。」

李天翔—
髮型:Trinity@Belle
服裝:RVSR@子揚、Calvin

李思欣—
髮型:Tim@II

場地:DNA