43歲黎姿美麗出巡 孻女賣萌扭計坐地

現年43歲的幸福人妻黎姿,前日帶兩歲半孻女Pegella到中環享受購物樂,不怕被捕捉的黎姿全程都是為囡囡揀選玩具和新衫,明顯將心肝寶貝放在第一位,囡囡肥嘟嘟眼睩睩超可愛,還有一道又黑又濃的招牌「黎姿眉」,兩母女啜啜錫錫超溫馨,不過,可能囡囡年紀太細沒耐性又眼瞓,有時扭計不肯試衫,坐在地上扁嘴撒嬌表現天真,要媽咪親自出馬又o氹又抱。

黎姿於2008年嫁給富商馬廷強後,全面息影專心做人妻,三年抱三的她先後誕下快滿5歲的孖女馬家蔚、馬家鎂及兩歲半孻女Pegella,一家五口幸福滿瀉。3名女兒逐漸長大要融入社會,黎姿沒有刻意收埋囡囡避免曝光,近年大方帶女兒出巡見世面。兩個月前被網民在中環捕獲一家大細high tea後,前日黎姿由傭人陪伴下,帶孻女Pegella到中環行街購物,相信孖女因要返學未能同行。

黎姿孻女賣萌

不耐煩撥開裙仔

前日下午約4時許,黎姿挽着價值約25,000元的Givenchy Antigona豹紋手袋配襯金錶,與孻女現身中環太子大廈的玩具店,當時黎姿正在收銀處等付款,眉粗粗似足媽咪的Pegella,與同齡小孩一樣最愛玩具,在店內玩到意猶未盡,索性坐地玩琴仔,最後店員幫忙搬大型廚房玩具落樓上車,黎姿抱起Pegella啜啜錫錫,再轉戰第二站去名店Ralph Lauren買童裝衫。

擁有3名女兒的黎姿,當然最愛幫囡囡扮靚,她在店內周圍行攞衫拼在Pegella身上,不過年紀小小的Pegella愛玩具多過愛衫,只有兩歲半的她真情流露表現不耐煩,當黎姿攞一條紅色格仔裙拼在她身上,Pegella扭計伸手撥開裙仔,母性大發的黎姿伸手抱抱作o氹女,Pegella乖乖地雙手攬實媽咪,之後黎姿拖住她行去第二個櫃位,再攞另一條藍色碎花裙,踎低幫囡囡拼上身,Pegella先扁嘴搖頭向後行,再乖乖行埋媽咪身邊,將一條黑色格仔裙拼上身,十分可愛。

黎姿孻女賣萌
黎姿前日抱着孻女Pegella到中環買玩具和童裝,全部戰利品都是屬於3個女兒,果然是廿四孝母親。

黎姿孻女賣萌
黎姿和囡囡親吻,母女情深。

黎姿孻女賣萌
睇身形,邊度似43歲!

扮鬼臉扁嘴撒嬌

不過,當黎姿行開揀衫時,由傭人幫Pegella試着新衫,Pegella再扭計揈開衫仔,傭人似乎沒甚耐性,竟趁黎姿不在附近,不但手指指似罵小主人,更偷偷伸手向小主人扮彈面,眼矋矋的她樣子有點凶惡,雖然傭人只是恫嚇,沒有真的傷害到Pegella,卻已令Pegella發脾氣扭計,對鏡扮鬼臉,又坐在地上嘴扁扁撒嬌似哭,狀甚可憐。

之後黎姿親自出馬又o氹又抱,店員又拿圖書給Pegella睇,終於o氹掂囡囡,當時黎姿還不知囡囡曾被傭人扮彈面,與傭人有講有笑,最後由黎姿抱着囡囡,傭人負責攞戰利品及代黎姿挽手袋離去。

黎姿孻女賣萌
掃完貨,由工人拎戰利品。

黎姿孻女賣萌

黎姿孻女賣萌
Pegella被傭人扮彈面恫嚇後,坐在地上扭計扁嘴欲哭。

視頻:黎姿孻女賣萌 扭計坐地