陳展鵬緋聞情敵同場 鍾嘉欣出動「砵仔糕」迎戰貝安琪

之前話陳展鵬同鍾嘉欣因拍《巨輪》暗交一段時間、更被爆發生交通意外時,嘉欣BB急速逃離現場,似係唔想俾記者發現。事後嘉欣已經高速澄清咗,話佢同陳展鵬冇嘢,但噚日陳展鵬就加多腳,話拍劇時太投入、愛上嘉欣BB、仲想上馬:「掛住鍾嘉欣?已抽番出嚟,開始明白前輩講『抽番出嚟』嘅辛苦。」嘩,咁之前次次出親嚟都借陳展鵬嚟消費博見報嘅「另一緋聞女友」貝安琪點算呀?

正所謂冤家路窄,今日鍾嘉欣同貝安琪就齊齊應邀、喺亞洲博覽館出席活動。之前貝安琪同陳展鵬喺《巨輪》入面咀出愛火,仲一齊去睇演唱會,貝安琪又大陳展鵬有吸引力同有天份,好似好欣賞陳展鵬咁。依家男方擺明冧嘉欣BB多啲,咁兩女同場,會唔會好尷尬呢?

答案係……唔會嘅,兩個仲有傾有講,完全冇尷尬喎。但唔知嘉欣BB係唔係睇咗陳展鵬嘅報道之後神不守舍,今日出場嘅時候成個「砵仔糕」走咗出嚟,變成「佘詩曼事件翻版」。兩位「打底王」都失手露「砵仔糕」,好少有喎。

記者提醒BB,話佢知走光喇,BB好尷尬咁拉,返番條裙上去。雖然「砵仔糕」飛咗出嚟但係都仍然好性感,平時嘉欣BB好少咁性感,佢就話:「覺得幾健康。」問到嘉欣BB知唔知陳展鵬對佢有好感,佢就話:「我唔知,唔通佢暗戀我?但我要問清楚佢先,或者佢係幫部戲做宣傳。」再問陳展鵬同伍允龍係唔係要拗手瓜,嘉欣BB話笑住話:「我唔清楚,大家成年人,點會?唔好嚇死我,我好大隻,同我拗啦。」

鍾嘉欣出動「砵仔糕」迎戰貝安琪
嘉欣BB出動「砵仔糕」嚟面對緋聞情敵貝安琪 。
鍾嘉欣出動「砵仔糕」迎戰貝安琪
嘉欣BB出場嗰陣已經神不守舍。
鍾嘉欣出動「砵仔糕」迎戰貝安琪
之後發現佢個「砵仔糕」走咗出嚟。
鍾嘉欣出動「砵仔糕」迎戰貝安琪
嘉欣BB尷尬拉裙,好可愛。
鍾嘉欣出動「砵仔糕」迎戰貝安琪
兩個雖然話係緋聞情敵,但係就拖住手。
鍾嘉欣出動「砵仔糕」迎戰貝安琪
兩個仲咬耳仔傾密傾0添。